Oblíbené biblické verše z Откровение 20

Sdílet

Китум алңунак а̄тҳа игақумаңилңуқ Ига̄ни Уңувалъҳым, милю̄сима̄т на̄йвам кынӷанун.

Ысҳаӷанкалъю туқуляӷа̄ткат, укалӣўақлъютыңлъю, а̄ңўа̄ӷўа̄қлъютыңлъю аюқылӷӣт. Ныкывӷатңуфтут сивуңани умӣлгусим ақумутаҳлъягым. Та̄хкын игат қылъпыҳтӣт, Игӣ Уңувалъҳым, игақуӷвикыхкат а̄тҳитның тама̄кут уңуваяҳқат қӯнпырухлъяк. Иляңилъю игалӷутыт қылъпыҳтӣт игақуӷвикыхкат туқукат кияҳта̄лъҳитның аюқылӷӣт. Кияӷныӷым нанқихтӣ атуқлъюки игақуқат игатхун.

Та̄хкын кылъӣм туқумастӣни пыхтӣ. Туқулъҳымлъю, Адымлъю туқумаститың пыхтӣт. Қамахтыңъўа̄ӷлюки Кияӷныӷым нанқихтӣ кияҳта̄лъҳистун. Та̄хкын Туқулъықлъю, Адылъю милю̄тахкыт на̄йвам кынӷанун. На̄йвам кынӷа тӯңлиқа̄ туқулъҳым.

Та̄хкын ысҳаӷақа Кияӷнық ақумгалӷӣ қатылӷӣгныкун умӣлгусигныкун ақумутаҳлъягыгныкун. Нуналъю, қилягалъю қима̄гӯтук Кияӷныӷым таўантылъҳаның, алъялъю ысҳаӷьяҳқа̄хпынатык.

Тысяча аюмиқулъҳыт алъпаката, Туӷныӷақ анусимиңлъяӷвиганың итымусяҳқа̄гуқ. Ынка̄м а̄нлюни пӯҳқуҳлъықӣ нунатат миңитңалӷӣт нунатаҳа̄ни тамаҳа̄ни. Тама̄кут нунатат а̄тқӣт Гогылъю, Магогылъю. Югит угляҳлъяхтут қына̄взыӷа̄тун ысным. Та̄хкын Туӷныӷа̄м қырңуҳлъықӣ пилъюўамун.