Oblíbené biblické verše z 1е Петра 2

Sdílet

Иўырңа лъпыси югни накмикыхка̄гуси, умӣлгым священнигакӣси, а̄фтыка̄гуси югни, Кияӷныӷым лъңан катам юкӣси. Накмикыхка̄гуси а̄пҳысқылъюки алъя̄ҳлъюхўа̄т аныӷныҳқилъҳи Кияӷныӷым, тахсиӷикақ лъпысиның мамлыхлъягмың лъми катам алъя̄ҳлъюхўаӷмун ниӷугминун.

Христосым лъминың катам агля̄ткақӣ сыӷлыҳқылъыпут югусиӷмиклъюки қақӯрамун. Таўатын пика̄гуқ туқумасқылъюта сыӷлыҳқылъыӷмун уңувасқылъюта ылъқуӷутңалъыӷмун. Кӣтиқулъҳакун на̄лъҳутка̄гуси. Пынъӣӷыстун аӷуляқа̄талӷӣстун аюқсяҳтуси. Иўырңа ма̄тын утыӷнӣма̄си Пынъӣӷнӣҳтымун Кылыңакистыңанун уңувасиҳпыси.

Сивунӷани Кияӷныӷым юкынӷисяӷӣси, иўырңа ма̄тын юлӣсимӣси. Сивунӷани налъюксяӷаҳси Кияӷныӷым наңлъыхталъҳа, иўырңа ма̄тын алъхыҳсима̄ҳси наңлъыхталъҳа.

Алъхынҳаҳа̄т қӯнпың мамаӷьюгақут. Лъңистун қӯнпың мамаӷьюхтык пылюңилңуӷмың таӷныӷам мама̄ның. Аңтанӣтыслъықа̄ югулилъыҳси

Илякумта̄мни, нуната̄гусилъю, алъяныҳта̄гусилъю нунами хўани. Ынка̄м кайымамси иляпхатыхпынаси югусиҳпыси пиюкылъҳанун, қаюҳлъяк югусим пиюкылъҳан пилъюўа̄ңўа̄ уңувасиҳси. Пинитун кияҳтык акулңитни ухпықа̄нӷилңӯт, лю̄рақ лъңита сыӷлытун пистыңунинаюкаңиси. Ысҳақумыхтыки аныӷныҳқилъыси усюқылъықа̄т Кияӷнық Аӷныӷани Христосым тагилъҳан.

Лъпысилъю уңувалӷӣстун уйӷагыстун аюқуси, ынка̄м Аглыӷналӷӣм Таӷныӷам ныкыфтусиқлъиси Кияӷныӷым мыңтыӷа̄нун. Қыпҳа̄лъықаҳси а̄фтыка̄люси священнигыт тӯнилӷӣт аҳтутмың Кияӷныӷмун. Лъңан тугуклъиҳлъықӣ аҳтутыт Иисус Христосыкун.

Ынка̄м та̄қитыху алъя̄ҳӣнақ сыӷлық атуқыхкаҳси. Иқлъыңиқнаниҳтык, пинӣюхнаниҳтык, ақинананиҳтык, сыӷлықӯӷунъаниҳтыклъю.

Тагитык Атаныӷмун, лъңа уңувалӷӣңӯқ уйӷак. Югыт иҳсякыхка̄т сясӣнӷилңуӷыстун, иўырңа Кияӷныӷым накмикыхкақа̄ мыгнунаӷлюку.

Кияҳтык итымңалӷӣстун иўырңа итымңалъыҳси атуқыфқа̄н сыӷлыӷмун. Кияҳтык қыпҳаҳтыля̄ӷулюси Кияӷныӷмун.

Кияӷныӷым Пиюкылъқақа пинитун пилъыҳпысигун ныпӣҳтысқылъюки налъю̄қат тымңитхўамың акузилъҳӣт.