Oblíbené biblické verše z Marcos 5

Sdílet

Maud̶eeba Jesusba ichimaa jarasii: —Kau, biawãra ijãasiid̶eeba bichi aribiasii. Jirukaraayuwãe wãse bichi ẽpermo b̶uad̶a aribiasiid̶eeba.

Maud̶e ẽbẽrarã tãed̶e wẽra ab̶a 12 año oamia inibasii. Mau wẽraba ʉrrmid̶ia deabadaurãmaa chi nejarra joma deasmina, aribiabasii. Chi nuree ʉrrmid̶ia deabadaurãba ichi ãrea biꞌiwãe b̶eebisid̶au, maamina aribiai bad̶ad̶e chi oamia aude kãribasii.

Ara makʉd̶e, ichi oamia tʉ did̶isii. Maka kuitaasii ichi ẽpermo b̶uad̶a aribiasii.

Wẽrakau juad̶e jidauped̶a Jesusba jarasii: —Talita cum. (Mau arameo bed̶ead̶e naka jara b̶uu: “Wẽrakau, mʉʉba bichimaa jaraaruu: jiraduse”).

Jesús wabid̶a berreamaa b̶uud̶e, Jairo ded̶ebena ẽbẽrarã need̶aped̶a maabae Jairomaa jarasid̶au: —Bichi kau biusii. ¿Sakãe chi Jaradeabarii ome wabid̶a berrea b̶uma? Jesusba maka jaraaduu ũrismina, Jairomaa jarasii: —Wapearã́se; mʉʉd̶e ijãase.

Maka berreasii Jesusba ichimaa naka jara b̶uasiid̶eeba: «¡Jauri kachirua, nau ẽbẽra kakuad̶ebena awara wãse!» Maabae Jesusba chi jai kachiruamaa id̶isii: —¿Bichi trʉ̃ kaima? Chi jai kachiruaba panausii: —Mʉ trʉ̃ Legionbʉ, dai ãread̶eeba.