Oblíbené biblické verše z MILKIYAASI 3

Sdílet

Mine'ya intanniri hala'lanno gede uyitinanniha tonnunni mitto gudissine abbitine gootaraho worre. Hatto assitineenna, ani qole waalcho fane dancha attote batise aa hoogummo'nero tennenni affe"e. Konne coye coyi'roommohu ani Olantote Mootichi Kaaliiqaati.

Gidi'ne aaninni sixa hooleemmo. Woyine'ne laalo dixe'anno. Konne coye coyi'roommohu ani Olantote Mootichi Kaaliiqaati. Baatto'ne hee'rate toltinota ikkitino daafira, hatte yannara baattote aana noo manni baalu ki'ne, ‹Maassantino gosaati› yaanno'ne. Konne coyi'roommohu ani Olantote Mootichi Kaaliiqaati» yaanno.

Olantote Mootichi Maganu, «Insa anere ikkitanno; ani looseemmo waro insa anera baxxitino woxe ikkitanno. Annu soqqamannosi beetto mararannohu gede anino insa marareemmonsa. Hatte yannara anera soqqamannoehura danchu manchira assinannisi danchummanna soqqamannoekkihura bushu manchira iillannosi qarra manni'ya la"anno» yaanno.

Olantote Mootichi Kaaliiqi, «Doogo'ya biddi assanno gede soqqamaancho'ya balaxe soyemmo. Agadhitinoonni Mootichi, hedeweelcho Qullaawu Minisira daanno. La"ate quqquxantinanni sokkaanchi'ya daye gondooro'ya lallawanno» yaanno.