Oblíbené biblické verše z LUQAASI 3

Sdílet

Mannu baalu cuuamihu gedensaanni Yesuusino cuuami. Isi huucci'ranni hee'reenna gordu fa'nami. Qullaawu Ayyaani lembooli daninni aanasi dirri. Hatte yannara, «Baxeemmohu Beetti'ya ateeti; Ani atenni hagiidheemmo» yitanno huuro gordunni daggu.

Yohaannisi baalunkura, «Ani wayinni cuueemmo'ne; ikkollana wolu ane rooru daanno; ani koattesi suncho nafa tira didandeemmo. Isi Qullaawu Ayyaaninninna giiratenni cuuanno'ne.

Xaate aagintaawa'ne leellishanno looso loosse ikkinnina, ninke Abirihaami sirchooti yitinanni wodani'nenni boo'nitinoonte. Maganu tenne kinna giddonni Abirihaamira ila kayisa dandaannota kuleemmo'ne.

Xa meesane haqqete rumushshi hunda no. Kunnira, dancha guma laalannokki haqqa baala karre giirate tunganni» yiinsa.

Kuni ikkinohuno, himanaanchu Isayaasi Yohaannisi daafira balaxe, «‹Mootichu doogo qixxeesse; doogosi taashshe! Xeichu baalu wo'mo; ilaallanna gaarra diigante taalo uulla ikkito. Shokkitino doogono subbo; boono fultino doogono taalo ikkito. Mannu baalu Maganu gatisaanchimma afanno› yaanni halalla raaranno manchi huurooti» yee coyi'rino garinniiti.