Oblíbené biblické verše z LAYINKI QORONTOOSI 1

Sdílet

Maarote Anni, jawaante baalate Magani, Mootichinke Yesuusi Kiristoosi Anni Kaaliiqi galatamo. Isi qarrinke baalu giddo jawaachishannonke daafira, ninkeno Maganuwiinni afi'noommo jawaantenni, qarru baalu giddo noore jawaachisha dandiineemmo.

Kiristoosi qarra batinse adhineemmonte gede, jawaanteno Kiristoosi widoonni hala'litannonke.

Wodaninkenni hendeemmo woyite, reyote yoo yinoonninkeha lawinonke. Kuni coyi ikkinohu, ninke wolqa ikkitukkinni reyitinore kayisannohu Magano ikkinota buunxeemmo gedeeti.

Ki'neno ninkeno Kiristoosinni kaajjine hee'neemmo gede assinonkehunna soqqanshote doorinonkehu Maganoho. Qoleno isire ikkankera sumudinonkehunna Qullaawa Ayyaana taje asse wodaninkera worinohu isooti.

Ninke qarrammeemmo woyite, ki'ne jawaantenna gato afidhinanni. Ninke jawaanteemmo woyite, ki'neno ninkera iillanno qarri amadeenna'ne cincitine jawaattinanni.