Oblíbené biblické verše z ലൂക്കോസു 23

Sdílet

അദുക്കുള ഏസ്സ്: <<അപ്പാ, ഇവാര് ഗേവാദ് എന്തെന്റ് ഇവാര്‌ക്ക് താനെ തെരിവാദില്ലെ, അദ്‌നാലെ ഇവാര്‌ന പൊറുക്കുഡോമെ>> എന്റ് പരേസ്‌നാന്. അത്തെ അവാര് സീ്ട്ടിക്കി അയാള് ഉഡുപ്പുന പങ്ക്യെ്ഡ്‌ത്താര്.

അദുക്കുള ഏസ്സ് അയാള്‌ക്ക്: <<നീ ഇന്റ് എന്നോഡൊപ്പ പറ്‌ദീസാല് ഇര്‌ക്കുവായി എന്റ് നാന് സത്ത്യമായി നിനാക്ക് സൊന്റെ>> എന്റ് സൊന്നാന്.

അദുക്കുള അയാള് ഏസ്സ്‌ക്ക്: <<ഏസ്സുവേ, നീ രാജാവായി ആള്യ ബര്‌ഗാട്ടി എനനാമ് നെനേക്കുഡോമെ>> എന്റ് സൊന്നാന്.

<<അപ്പാ, എന്ന് ഉജുരുകെ്ളെന നാന് നിന്ന് കയിക്ക് തന്റ്>> എന്റ് ഏസ്സ് ദൊഡ്ഡാദ്‌ക്ക് അഗാറി ഉജുരുന ബ്‌ട്ടാന്.

മണ്ട്യോഡു എന്നുവ എ്ഡേക്ക് എജ്ജ്‌ന പ്‌റ കെ്ട്ട കാര്യഗാള് ഗേന്ത അയി റാഡാള്‌ന ഒരുത്താന്‌ന ഏസ്സ്‌ക്ക് ബലസാരിമ് ഒരുത്താന്‌ന ഏസ്സ്‌ക്ക് ഇ്ഡസാരിമ് ബെത്ത് ഏസ്സോഡൊപ്പ കുരുസുക്കു സേത്തി ആണി അഡിത്താര്.

അദുക്കുള നേര ഉച്ചി ആയിന്ത്‌ദ്. ഉച്ചി നേരാത്ത്‌ലിന്ത് മൂറു മണി മാട്ട്‌ക്ക് നാഡൊട്ടുക്കു ഇ്റ്‌ട്ട് കെ്ട്ടിന്ത്‌ദ്. അയി ഗളിഗെ സാമിബീ്ഡ്‌ല അരാങ്ക കുച്ചുന അലാക്ക പ്‌റ്‌ക്കുവ തെരെസീലെ മേല താനേലിന്ത് അഡി താനെ മാട്ട്‌ക്ക് റാഡായി നേരെ സീന്തി തള്ള്‌ട്ട്.

നൂറു പട്ടളഗാറാര് തലെവാന് ആയിന്തവാന് ഇത്തെ നഡാന്താദ്‌ന കണ്ട്: <<ഈ മന്‌സാന് നേര്‌മായിമ് നേര്‌മെഗാറാന് ആയിന്താന്>> എന്റ് സൊല്ലി സാമിക്ക് മദ്‌പ്പ് കൊഡുത്താന്.