Oblíbené biblické verše z marqus 10

Sdílet

ula nkki lli‑igan yus n‑bnadm, ur‑d‑uškiġ ad‑flla‑th̬damn mddn. uškiġ‑d ad‑th̬damġ, fkġ tudrt‑inu ad‑fukkuġ ma‑iggutn.»

issmaqql gisn yasuɛ yini‑asn: «ġ‑dar bnadm ur‑iẓḍar a‑yili walaynni ġ‑dar rbbi. ašku ur‑illi kra mi ur‑iẓḍar rbbi a‑t‑iskr.»

isawl yasuɛ yini‑as: «zayd ġilad, ha‑kiyi tjjit ašku tumnt.» yisfiw ġakudan, iḍfur yasuɛ ġ‑uġaras.

f‑mayan a‑f‑rad‑awn‑iniġ, aynna issmun rbbi, a‑t‑ur‑ibḍu bnadm.»

issmaqql gis yasuɛ iḥubbu‑t, yini‑as: «yat‑tġawsa ad‑ak‑iqaman. zayd tzznzt kullu mad‑dark‑illan, tfkt‑t i‑imẓlaḍ yili‑ak‑wayda ġ‑ignna. taškid‑d ilmma tmunt didi.»

isqsa‑t yasuɛ: «ma‑trit ad‑ak‑t‑skrġ?» yini‑as‑ubukaḍ: «wa‑sidi, ad‑isfiwġ.»

imma kunni a‑ur‑yili ġmkan ġ‑gratun. wanna iran a‑gigun‑yimġur, illa fllas a‑ig ah̬ddam‑nnun.

lḥqq a‑rad‑awn‑iniġ, wanna ur‑irin a‑ikšm s‑tgldit n‑rbbi zund arraw imẓẓin ur‑ra‑srs‑ikšm.»

walaynni kigan d‑imzwura a‑ra‑iggʷru, d‑kigan d‑imggura a‑ra‑izwur.»

walaynni ur‑igi ġmkad ġ‑isizwar n‑ddunit. ġmklli ityaran ‹rbbi iskr awtm d‑tawtmt.› ityara‑daġ ‹mayan a‑f‑ra‑ifl‑urgaz babas d‑innas imun d‑tmġart‑ns. hatnin sin rad‑wrrin gn yat ddat.› ur‑sul‑gin sin walaynni yat ddat ad‑gan.