Oblíbené biblické verše z irqqasn 5

Sdílet

isawl bṭrus ula irqqasn inin: «iqqan‑aġ‑d a‑nskar s‑wawal n‑rbbi uggʷar n‑wawal n‑bnadm.

zaydn ilmma ass f‑wass ar‑sslmadn ġ‑tgmmi n‑rbbi ula ġ‑tgʷmma n‑mddn, ar‑tbrraḥn s‑lh̬bar ifulkin n‑yasuɛ, ar‑ttinin izd nttan a‑igan lmasiḥ n‑rbbi.

inkr bṭrus yini‑as: «wa‑ḥananiyya, mah̬ aylliġ tudjit šiṭan a‑ikšm s‑uwl‑nnk baš a‑tsskarkst f‑rruḥ lqudus tḥḍut kra zġ‑maylli tumẓt ġ‑igr‑nnk? lliġ ur‑ta‑inzi winnk a‑iga, imma lliġ inza hati maylli gis tumẓt illa sul ġ‑ufus‑nnk a‑srs‑tskrt aynna trit. mah̬ aylliġ tqṣadt ġayad ġ‑uwl‑nnk? hati urd bnadm a‑f‑tsskarkst, walaynni tsskarkst f‑rbbi.» ġir isfld ḥananiyya i‑mayad s‑iḍr s‑wakal immt. ġuwḍn kullu willi sfldnin i‑ma‑ijran.

f‑mayan a‑f‑rad‑awn‑iniġ, ad‑ur‑tẓim d‑mddn‑ad. adjat‑tn ad‑ddun. ašku mayd nawln ula mayd skarn, iġ‑iga win bnadm ra‑iḍr. walaynni iġ‑iga win rbbi, ur‑ra‑tiẓḍarm a‑tn‑tnrum. han a‑ur‑n‑tafm ih̬fawn‑nnun ġ‑isiggʷra is‑a‑ttẓim d‑rbbi.» skrn ilmma s‑mad‑asn‑inna gamalyal