Oblíbené biblické verše z Lucas 12

Sdílet

Marãsidꞌa aramaʉ̃ kĩrãkꞌa kĩrãkuita bꞌeaudua, marãbara zeita krĩchadꞌa ẽãne zei baera mʉ Beubari Bape bꞌadꞌara.

Maʉ̃ba izha jara bꞌʉta obʉrʉba jʉrʉdua Daizezeta Nokꞌodꞌebemata, mobedꞌeba izhara maʉ̃ jõma marãã diaya.

Mawũãpe mawũãsia: Kĩrãkuita bꞌeaudua, ne wuaabʉrʉ krĩña bꞌearãũdua, beubarira bꞌʉ ẽã ne bio erubꞌʉba.

Mawũã ne biata marãneta bꞌʉ maẽ nʉmaña marã sora.

¿Marãnebemabara kꞌaiba izhi sopua nʉmʉba izhira ewari wueta bꞌabi bꞌeipe?

Maʉ̃ tẽã Jesúsbara izha jʉrʉkuadꞌaa mawũãsia: Maʉ̃neba mʉã marãã jaraya: Sopuarãũdua mazhi bꞌaidꞌebema kꞌarea, kꞌãrẽta kꞌoidꞌe, miã kꞌakuaita kꞌãrẽta jʉ̃ĩne.

Marãẽnabema mazhi budꞌaidꞌu jõma juacha erubꞌʉa. Maʉ̃ba perarãũdua, Daizezema marã audre vale bꞌea ibana zaketa bio kꞌãñabara.

Marã kꞌabana ẽmina perarãũdua, Daizezebara krĩñasia marãã diaita izhita Nokꞌodꞌebemata.

Ibanata akaudua, ne udꞌa ẽã, miã ne ewadꞌa ẽã, miã ne wuagꞌabari maẽ ne kuadꞌa ẽã. Maʉ̃ta Daizezebara ne dedꞌeka bꞌʉa. ¿Marã audre vale duanu ẽka ibana bꞌe kꞌãñabara?

Maʉ̃ba marã sopua bꞌearãũdua kꞌãrẽ kꞌoi kꞌarea, kꞌãrẽ doi kꞌarea, miã sãwũãĩ kꞌawua ẽã bꞌearãũdua.

Daizezebara chiruata mawũã zhobi bꞌʉra, idꞌi meã takeradꞌata nunebai tebʉdꞌe babuebadata mawũã obꞌʉra, ¿marã audre zhobigai ẽka, awuarabʉrʉ soidꞌu bꞌeaita wãẽã duanu ẽka?

Kꞌãrẽ chũwẽã nʉmʉta kꞌawuadꞌa ẽã nʉmaĩrã ne ẽã, miã kꞌãrẽ merã bꞌʉta kꞌawuadꞌa ẽã nʉmaĩrã ne ẽã.