Oblíbené biblické verše z Roka 17

Sdílet

Mese towe tohemari‑ya hiyare, “Sibarini, tiwaamisamahi. Tiwa tabaro‑ya tikamahi. Owati‑ya tinofa ihi tikitamineni.” Yeso ati nematane.

Tika owa tiwa‑ya ene amosare, mahi ohari‑ya ene towe 7 kaneya, makobote tiwa‑ya hiyareya, ‘Owa ene‑nima owa ene namaraboneni.’ Ati neya, tiwati somawamaharihi.” Yeso ati nematane.

Mai mese amosawami‑ya mai awa, ohari‑ta wininame, Deoso‑ya kahiyare, ati kitematane. Yeso‑ya kobone, Yeso yowi‑ya home, Yeso‑ya kahiyarematane. Yodeo mai‑ka owa tohare, Samaritano mai‑ka owa amane.

Dai noko wadahi. Tika owa tiwa‑ya ene amosare, tihiyaraho, ati amosawamebonaha. Ati amosawameya, tiwati somawamaharihi.

“Mai 10 kana mai okasomamaro, mai 9 kana ebeni‑kaya mai tokimati?

“Deoso ati‑ya dai nofi i‑isi niya, dai ene kitaboneni. Awa tiawahi. ‘Awa boretikaniya, faha bai‑ya tikamahi.’ Dai ati niya, awa‑ya Deoso borekaneya, faha bai‑ya awa‑ya Deoso kamawahebonane.

Mai‑ka yama‑ya mai nokotonihe, mai ababoneni. Mai‑ka yama‑ya mai nokotonira, mai abaraboneni.

Yeso hika mai da‑daba mai‑ya hiyare, “Mai one ati ihi owati‑ya mai one tokadabaraboneni. Ka! Hini mai ihi tohiya, mai manakone wadaboneni. Hini ene towe tohi awisareya, yati webote‑ya namidi mai yadihineya, faha webote‑ya mai korohifiya, komene bi‑bidi nibisebonane. Ati ene owati‑ya ewe nofamareya, hini ene komene nafibisebonane.

Dai‑ka Ayo neme‑ke kiti yananeya, Nowe sawimata‑ka yama‑nima yama namataboneni. Nowe ati‑ya mai nofara hiniya mai tafa, kawi‑ya mai fawa, mai one fana na, mai habi siitoni awisariya, kanawa dori‑ya Nowe tokiyome, makobote faha fowe kobo kanibote na ihi mai nafi abawahametemoneni.