Oblíbené biblické verše z Romayguakuérape 3

Sdílet

Opavavete oñemboheko vaipáguima ha oĩmbáguima angaipa poguýpe, upévare ndaikatúi ohupity Ñanderuete reko ojajaipáva. Opavave oñemopotĩkuaánte Hesu Crísto rupi, Ñanderuete ipy’a porã haguére ha Hesu Crísto ñandejogua haguére (Satana pógui). Hesu Crísto ningo Ñanderuete jopói (regálo) opaite tetãyguakuérape g̃uarã.

Ha pe tape pyahu rupínte ojehupity Ñanderuete justícia. Ha Hesu Crísto voi ningo Ñanderuete rape pyahu, ambue tape ndaipórigui.

Ñanderuete oha’ãrõ Hesu Crísto ojejuka peve, ha ko’ág̃a opavave ojeroviáva guive hese ohupity Ñanderuete perdon hi’angaipakuéragui, umi angaipa ymaguare tetãyguakuéra ojapomava’ekue oñeñongatu ojehavira hag̃ua Hesu Crísto ñemano rupi. Ñanderuete oha’ãrõ pukuete ohechauka hag̃ua ijustícia ko ára atyguasu kóvape, ha ohechauka hag̃ua avei Ha’énte oikoha hekoitépe, ha operdonase opaite angaipavórape ojeroviaitéva guive Hesu Crísto rehe.

Ñande kuimba’e ha kuña, ndajajapói hekópe Moises rembiapoukapykuéra, upévare avave ndaikatúi ojesalva Moises rembiapoukapykuéra apópe; Moises rembiapoukapykuéra ningo oĩ ohechauka hag̃uánte opavavépe, ñande ñañemboheko vaimaha, ha opaite yvyarigua angaipavoraha Ñanderuete renondépe.

Ojehaíma voi Ñanderuete kuatiañe’ẽme: Ndaipóri heko porãva, ni peteĩ añónte jepe, ndaipóri peteĩ iñakã porãva, ndaipóri peteĩnte jepe ohekáva Ñanderuetépe, opavave opia Ñanderuete rapégui, ndaipóri heko porãva, ndaipóri peteĩmínte jepe (Salmokuéra 14,1-3).

Upévare ñag̃uahẽ kóvape: Opaite tetãyguakuéra ohupity iperdon Ñanderuetégui ojeroviaite ramo Hesu Crísto rehe, ha ndaha’éi ojapo haguére Moises rembiapoukapykuéra.

Mba’evéicharamo, upéva rãngue ja’eva’erã: Ñanderuete tapia he’iha pe añeteguáva, ha ñande kuimba’e ha kuña ñandejapuñaína. Ñanderuete kuatiañe’ẽme he’i voi: Ñanderuete ñe’ẽ hi’añete ha Ha’e ombopoguy opaite umi oñemoĩva hese iñembojovake hekoite pegua rupi (Salmokuéra 51,6Salmokuéra 116,11).