Oblíbené biblické verše z Márcos 13

Sdílet

Opavave oñemoĩta penderehe che réra rehehápe, upe ojeroviavahína ára pahaite peve katu ojesalvava’erã.

Pema’ẽ porãke, ani peke, avave ndoikuaáigui araka’épa oúta upe ára upéva.

Pendegueraha vove peneme’ẽ hag̃ua ipopekuéra ani pejepy’apýtei pejétavare, umi ñe’ẽ pejétava oñeme’ẽta peẽme, napeẽi ningo peñe’ẽtava, pe Pytu Porãmbáva uvei pendepype oĩva.

Ára ha yvy ohasava’erã, che ñe’ẽ katu ndohasaiva’erã araka’eve.

Upe ára ha upe hóra katu avave ndoikuaái, ni angelkuéra, ni Ñanderuete Ra’y jepe, pe Túva añómante oikuaa.

Pehendu ramo ñorãirõguasu ha ñorãirõguasu sapukái, ani peñemondýi, ko’ã mba’e ojehu raẽva’erã, og̃uahẽ mboyve pe ára paha.

Peñeñangareko porãke, ndapeikuaáigui araka’épa oúta pe óga jára, ka’aru javépa, pyharepytépepa, gállo osapukái jave, térãpa ko’ẽ rire. Anítei ha’e ou, oñeha’ãrõ’ỹ jave, ani pendejohu peñeñangareko’ỹ jave. Upe ha’éva peẽme, opavavépe ha’e: Peñeñangareko porãke.

Opu’ãva’erã tetãnguéra ojuehe ha tetãguasukuéra ojuehe. Heta hendápe oikóta yvy ryrýi, avei ñembyahýi, ha ko’ã jehasa asy ñepyrũrã, (ku kuña imembymbotávaicha).

Ñanderuete ñe’ẽ porãite (evangélio) katu oñemyasãi raẽva’erã opaite tetãme ha uperire ae aju jevýta.

Heta oúta che rérape, ha he’íta: Che ha’e Hesu, ha ombotavýta heta tapichakuérape.

Peẽ katu pema’ẽ pendejehe, penembotyryrýta mbojovakehára rendápe ha penenupãta Ñanderuete rogakuérape, ha pendegueraháta mburuvicha ha tetã ruvichakuéra renondépe, cherehehápe, che rechahare ramo ichupekuéra g̃uarã.

Opu’ãva’erã Crísto gua’u ha proféta gua’ukuéra, ojapótava techaukapy ha milagrokuéra oporombotavy hag̃ua, ha ikatu ramo umi poravopyrépe jepe ombotavýta.

Umi árape, upe angekõi ndetuicháva rire, kuarahy iñypytũta, ha jasy ndohesapemo’ãvéi. Mbyjakuéra ho’áta áragui, ha yvága pu’akakuéra oñemonguepáta.