Oblíbené biblické verše z 1 Corintoyguakuérape 15

Sdílet

Upévare che hermanokuéra ahayhúva, peñembo’y hatãkena, pemỹi’ỹre (akatúape ni asúpe, Deuteronómio 28,14), pemba’apo katu kyre’ỹme pene rembiapópe, ha peikuaa porãke opaichagua tembiapo pejapóva guive Ñanderuetépe g̃uarã ndareiriha (ndojeitymo’ãiha tesaráipe).

Upévare jagradece Ñanderuetépe, Ha’e ñanembopu’aka haguére ñemano rehe, Ñandejára Hesu Crísto rupi.

Aníke peñembotavy: Irũnguéra vai ombyai jepokuaa porã.

Ñanderuete poriahuvereko rupínte katu che ha’e pe ha’éva, ha pe mborayhu Ha’e oiporúva cherehe ndareíri, añeha’ãmbave opaite ambuekuéragui. Ndachéi jepe ningo, Ñanderuete rembiapo rupi uvei, ipy’aporã chemyañáva

Ñemano moõpa oime nde pu’aka. Ñemano, moõpa oime ne popía. Ñemano popía ningo tembiapo vai (angaipa), ha pe tembiapo vai pu’aka katu ojekuaa porã Ñanderuete rembiapoukapy rupi.

Peikuaa porãke peteĩ mba’e ñemi Hesu Crísto oikuaaukámava chéve: Nañamanombamo’ãi ningo, ñañemoambuepava’erã katu, sapy’aitépe, peteĩ tesa pirĩme, pe turu ipu (trompéta) pahápe; oñembopúvo pe trompéta Ñanderuete ñanemoingove jevýta, ha ome’ẽta ñandéve peteĩ tete ipyahúva oñembyaive’ỹva araka’eve.

Peteĩ kuimba’e rupi og̃uahẽva’ekue pe ñemano, upévare avei peteĩ kuimba’e rupi oñemoingovepa jevýta. Adan angaipa vai rupi opaite kuimba’e ha kuñakuéra omanova’erã, Hesu Crísto rembiapo porã rupi katu oñemoingovepa jevýta.

Ñande rete oñembyaivahína oñemondeva’erã peteĩ tete oñembyai’ỹvape, ha ñande rete omanóva oñemondeva’erã peteĩ tete omanove’ỹvape.

Hesu Crísto oisãmbyhyva’erã, Ha’e ombopoguypa peve opaite hese ija’e’ỹvape. Ipahápe Hesu Crísto ombopoguýta avei pe ñemano, hese ija’e’ỹva pahapegua.