Oblíbené biblické verše z Panagnaan 39

Sdílet

Dari lay na siꞌ si Yusup binuwat ata ni lumaꞌ si Potipal, bangsa Ejip looy. San meꞌ looy, luu na pin baw Tuhan ngunungan iya, nampulnaꞌ mimon pabuwatan na.

Dari song hallom, sannang jaꞌ pamiki si Potipal sabap lay na halap na mimon-mimon ni si Yusup. Ilooy sa pamikihan na, ni hāl lawuk bong mamooy peneꞌ na kakan na. Na si Yusup ilay siꞌ, magbēꞌ hāp lalla na ka hāp baran na.

Song hallom, lay na si Yusup sinohoꞌ meꞌ na magtakōk ni mimon pagkahi na pilisu. Dari oy-oy pinabuwat njawom jīl looy, si Yusup na bay asahan na magpandoy.

Sampay lay na ga jīl na si Yusup ni jawom jīl halliꞌ ni jama ma bay kapagdusa ni sultan bangsa Ejip. Sugaꞌ san meꞌ looy meꞌ da bay buwat si Yusup, luu na pin Tuhan ngunungan iya. Dari man tabang Tuhan, kasulutan na baw pa-mmean siga tukang jaga ni jīl looy ni si Yusup.

Dari lay na ga ya kinaromanan meꞌ nda si Potipal sampay yuk na ni si Yusup, “Tu ko, ubay doꞌ kita.” Sugaꞌ yaꞌ bay kuhi si Yusup, sampay yuk na ni nda papuꞌ na, “Uy, pakale doꞌ ko ba. Lla nu bilay yaꞌ na gampang ni oy maka oy na njawom lumaꞌ tuu batan mimon pabuwatan na lay na hinalap meꞌ na niyaku. Aku na bay buwat lla nu limbang na. Inaa ko ngawon sibuꞌ na kapatut kami ni lumaꞌ tuu. Oy-oy karomanan ku, yaꞌ luu saꞌ yaꞌ pinadari meꞌ na, sugaꞌ daa jaꞌ bong kau sabap nda na ko. Yaꞌ ku la kasogsog buwat kalaatan meꞌ naa. Yaꞌ ku doman ndusa pa Tuhan.”

Na disu llaw, pag taabut si Yusup paasok pa jawom lumaꞌ looy buwat, yaꞌ bay luu ata soy maka soy na njawom sarī man iya. Dari lay ya sinungkuban man badjuꞌ na meꞌ danda looy hinelaꞌ sambayan na halling, “Ubay doꞌ kita ba.” Sugaꞌ gam pin lay si Yusup pakowepas, boꞌ na sonse pa poan. Sampay lay na ga tamban badjuꞌ na ni tangan danda looy.