Oblíbené biblické verše z Lewiy 26

Sdílet

Mpkkesa ku ckceka namu ma, mpuUtux Baro namu ka yaku ma, yamu we mpseediq mu ka yamu.

Pqyexun maku ka qqyexan ciida, phreun mu uqun ka dxeral ma, ptgheyun mu ka pnhgalang qnpahan.

Yamu we puyu kari pndakar mu. Mnduwa muyu gaya pndakar mu. Dai bale ka kiya.

Mpbege ku ptbale lhebun ka yaku. Trqeraq namu we, uka ka meyah pslhebun yamu. Pkngalun mu ka qnnaqah camac bobo dxeral ma, hlmadac we uxe meeyah dxeral namu.

Mpqlahang ku yamu ka yaku. Kiya de pdngusun maku hbaro lqlaqi laqi namu. Kiya uri ge mpdehuk ku sndhegan mu ka yamu.

Yaku we Utux Tmninun, Utux Baro namu. Dmnudul ku yamu peeyah dxeral Micrayim. Kiya de ini maku npsali ptquli dungal. Wada maku hiya gremun ka kudo pnpaan namu nduyung. Kiya de tduwa namu msderux mheyu mkkesa.

Mpheyu ku kobu ckceka namu ka yaku. Lhebun mu we uxe ku mptraqil yamu.

Iya salu tikung gnqeran uka pbrihan ka yamu. Iya pheyu tikung qnequr ma eruc hnyegan. Iya pheyu btunux hnyegan bobo dxeral ma thmuku heya ka yamu uri. Ado yaku we Utux Tmninun, Utux Baro namu.

Meekan namu nbaki snkuwan namu uqun ka yamu. Kiya ma mpkaro namu ppsaun bgurah uqun dungal.

Mpsdurak 1'00 heyi pais ka 5 heyi namu ma, mpsdurak 1 mang heyi pais ka 1'00 heyi namu. Pais namu we mpksaro hlmadac namu.

Qmburung uqun we msgeegul betaq namu lmamu lipas ciida. Lmamu namu lipas we asi ka betaq ali tkuyan. Mptengi namu mekan uqun ka yamu ma, mpbleyaq namu meniq dxeral namu nanak.

Mpsdurak namu pais ma, dheya we mpksaro toma hlmadac namu.

Yamu we ndwai muyu ka ali sngayan. Kcugi ka nniqan mrtaso mu. Yaku we Utux Tmninun.