Oblíbené biblické verše z Matewuji 13

Sdílet

Mbwenye mbewu yenne yamorenle vateyani vapama gu mutu wenne unavwa mazu, aonelragamo, ante afiyeda vaha jovaha jimohi jiwa 100 owu hehi 60, owu hehi 30.>>

Eto mbewu yenne yamorenle vevo vamenle minga gu mutu wenne unavwa mazu, mbwenye agavwile enne, kaza makatamiho a mwilamboni na jonyenga ja jorayela, jatene ejo jinopitikelrelra mazu avwile liye, evale liye kanavaha jovaha.

Mutu uli watene unavuruwana mazu a muUmweneni ahaonelragamo, unaza gu Mutu Wabure, liye muwaka jejile jizaliwe mmirimani mwaye. Ku wonga yenno tchi mbewu yamorenle mmambalo mwa ndila.

Eto mbewu yenne yamorenle vateyani vafwanyeya mabwe gu mutu wenne unavwa mazu eto agavwile evale unowanda awatchela mohagalala. Mbwenye voira liye kanna mitchitchi mwa liye eka, jejile kajinadibeliwa. Kagazile makatamiho no harahariwa na mwasa wa mazu, mobaranya unowelela mundulri.

Yesu ohowongagave eraga: <<Vamohive vevo Umwene wa zulu unalingana na yengo yofuneyetchetcha yatimbeliwe mmundani mwa mutu. Evale mulombwana mmohiwa ohoifwanya yengwele. Agaifwanyile, muwari moira mundole kaali waye, liye aromile weliheda vali atu. Mwa enne ohokagana hagalala, liye venya dowa guliha jatene janna liye, tukula kobiri diwa, liye gulana mundole ira adje yengwele.>>

Mbwenye mbewu dimohi diwa dohomorelaga vateyani vapama. Evale dohomelaga, aliwa ulukula, vaha jovaha jidjindji. Dimohi diwa dohovaha jovaha 100, dimohi diwa 60, dimohi diwa 30.

Muhiye jatene jiulukulege vamohi ante tempu ya mahandelo. Tchoira tempu yohanda yafiya, miyo nnoawandela anamahanda ira: <<Mubabihe gudela ntandje natene vamohive, mumangihege mapitika mapitika ira jitumeyiwe. Mbwenye tiriguwa, mugudele, mudowena musandjani mwaga!>> > >>