Oblíbené biblické verše z اِنجِیل شریف (لُوقا) 6

Sdílet

ہوراں کی دیو، تے اللّٰہ تعالیٰ تُساں کی دیسی۔ بہُوں سوہݨا بَدلہ ناپی تولی کے تُساں کی دیسی، اِیئے جہیا کہ لہائی چہلائی کے پہریا وا ڈُلݨا ڈُلݨا تُساں نی چہولی وِچ باسی۔ یاد رَخو: جیہڑے ناپ نال تُساں ناپی کے ہوراں کی دیسو، اِیئے جہے ناپ نال اللّٰہ تعالیٰ تُساں کی ناپی کے دیسی۔“

چنگے بندے نا دِل چنگیاں چِیزاں نا خزانہ ہوݨا اَے، جِس وِچوں او ہمیشاں چَنگا چَنگا مال کڈھݨا اَے۔ بُرے بندے نا دِل بُرائی نا ٹہیر ہوݨا اَے، جِس وِچوں او بُرائی ہی بُرائی کڈھݨا رہݨا اَے۔ ظاہر اَے جو کُجھ کُسے نے دِلے وِچ ہوسی، او ہی اُس نی زبان اپر وی اچھسی۔“

اِس واسطے میں تُساں کی اے گل آخݨا آں کہ اپݨے دُشمݨاں نال وی مُحبّت کرو، اُنہاں نال پَہلائی کریا کرو، تے اُنہاں کی قرضہ دیݨے ویلے واپسی نا ناں سوچیا کرو۔ اِس چِیز نا اَجر تُساں کی بہُوں لبھسی، تے تُساں اللّٰہ تعالیٰ نے پیارے بندیاں وِچ شامل ہوئی جاسو، کِیئانکہ اللّٰہ تعالیٰ تے اُنہاں اپر وی مہربانیاں کرنا اَے جیہڑے اُس نی شُکر گزاری نی کرنے، تے جیہڑے ہمیشہ غُناہ نی دَلدَل وِچ پَھسّے رہݨے اݨ۔

رحمدِل بݨو، کِیئانکہ تُساں نا آسمانی باپ رحمدِل اَے۔

دُویاں اپر اِلزام ناں لایا کرو، تانکہ اللّٰہ تعالیٰ تُساں کی وی اِلزام لغݨے کولوں بچائے۔ کُسے کی مُجرم ناں آخو، تانکہ اللّٰہ تعالیٰ تُساں کی مُجرم ہوݨے کولوں بچائے۔ دُویاں نے قصُور مُعاف کریا کرو، تانکہ اللّٰہ تعالیٰ تُساں نے غُناہ مُعاف فرمائے۔

پر میں تُساں کی جیہڑے مہاڑیاں گلاں سُݨنے او آخݨا آں، اپݨے دُشمݨاں نال وی مُحبّت کرو۔ جیہڑے تُساں نال نفرت کرنے اݨ، اُنہاں نال وی پَلا کریا کرو۔ جیہڑے تُساں کی بَد دُعا دیݨے اݨ، اُنہاں واسطے دُعائے خیر کریا کرو۔ تے اُنہاں واسطے وی دُعا کریا کرو جیہڑے تُساں نال بَد سلُوکی کرنے اݨ۔

قِصّہ مختصر اے اَے کہ دُویاں لوکاں نال اِیئے جہیا ہی سلُوک کرو جِیئے جہیا تُساں چاہݨے او کہ لوک تُساں نال کرݨ۔

کدے کوئی تُساں نے مُونہے اپر سجّے پاسے چنڈ مارے، تے تُساں اُس کی کَھبّہ پاسہ وی موڑو۔ کدے کوئی تُساں نا کوٹ کِہننے نی کوشِش کرے، تے تُساں اپݨی قمیض وی اُس کی چائی دیو۔ جیہڑا وی تُساں کولوں کُجھ مَنگے، اُس کی دیا کرو۔ کدے وی تُساں نی چِیز کوئی چائی کِہنے، تے اُس کولوں موڑی کے ناں کِہنو۔

فِر حضرت عِیسیٰ آخیا، ”بُوٹا چنگا ہووے، تے اُس نا پھل خراب نی ہوݨا۔ تے ناں ہی خراب بُوٹے نا پَھل چَنگا ہوئی سکݨا۔

ہر بُوٹا اپݨے اپݨے پَھل تُوں سیاݨیا جاݨا اَے۔ کَے خیال اَے، کنڈیدار بُوٹیاں تُوں انجِیر یا چہاڑیاں تُوں انگُور حاصل ہوئی سکݨے اݨ؟ بِلکُل ناں!