Oblíbené biblické verše z Eziptɩ tẽw yib 20

Sdílet

«Ɩ̃ ɩ n a Sore fʋ Naaŋmɩn, mãa n'ʋ ɩ fʋ yi a Eziptɩ, a be fʋ na tɩ ɩ gbãgbaa a.» «Fʋ kʋ̃ tɛr ŋmɩmɛ pʋɔ a ɩ̃ ƴãw ɛ.»

«Fʋ kʋ̃ tɛr tɩɩb kãw za ɩ. A bome na be a saa-zu, a salom zu, a pile ka, a tẽw zu, a kʋ̃ɔmɩ́ nɩ a tẽsɔw pile a, fʋ kʋ̃ maalɩ a kãw za bãwfʋ ɛ. Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

«Ƴãwnɛ a fʋ sãà nɩ a fʋ mã, tʋ̃ɔ́ kpɛ a tẽw a mãa, a Sore fʋ Naaŋmɩn na kʋ̀rɛ fʋ a, cɛlɩ.»

«Bãwnɩ a pɩ̃ɛnʋ-bibir, ɩ k'ʋ ɩ Naaŋmɩn bibir.

«Fʋ kʋ̃ bʋnɩ por a ɩ̃ yúor ɛ. Nɩr na bʋnɩ por a mãa Sore fʋ Naaŋmɩn yúor a, ʋ ɩ n sãwna sob a ɩ̃ zie.»

Fʋ na mɩ́ tõ n bibie ayʋɔb, tõ a fʋ tome za. Ɛcɛ a bibie ayopõi sob a, a pɩ̃ɛnʋ-bibir ɩ̃ na so a n'ʋ, a mãa, a Sore fʋ Naaŋmɩn. Fʋ kʋ̃ tõ ton za a ʋlɩ bibir nɛ ɩ, a fʋ̃ʋ, a fʋ bibiir, a fʋ tõ-tõ-bi-dɛbr bɩɩ a fʋ tõ-tõ-bi-pɔwbɛ, a fʋ dʋn nɩ a nʋʋra na kpɩɛr a fʋ zie a.

«Fʋ kʋ̃ bɔbr kɛ́ fʋ̃ʋ nãá so a fʋ tɔ sob yir ɛ. Fʋ kʋ̃ bɔbr kɛ́ fʋ̃ʋ nãá so a ʋ pɔw, a ʋ tõ-tõ-bi-dɛb, a ʋ tõ-tõ-bi-pɔw, a ʋ náab, a ʋ bõw nɩ a ʋ bʋ̃-sora kãw za ɩ.»

«Fʋ kʋ̃ dɩ dãsɩ-ziri màl a fʋ tɔ ɩ.»

«Fʋ kʋ̃ maalɩ pɩ̃ɔ-yele ɩ.»

«Fʋ kʋ̃ kʋ nɩr ɛ.»

«Fʋ kʋ̃ zu ɛ.»