Oblíbené biblické verše z Eziptɩ tẽw yib 15

Sdílet

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

A Sore so a ɩ̃ fãw nɩ a ɩ̃ yielu, ʋl ƴãw n'a ɩ̃ nyɛ̃ a faafʋ. Ʋlɛ n'ɩ a ɩ̃ Naaŋmɩn, ɩ̃ na danɛ ʋ a na. Ʋlɛ n'ɩ a ɩ̃ sãà Naaŋmɩn, ɩ̃ na zɛwr ʋ na.

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

Fʋ faa nɩ a fʋ nɩ-bʋʋrɛ! Fʋ tɛr bɛ na nɩ nɔ̃wfʋ, nɩ fãw, cere nɩ a fʋ kpɛb zie na ɩ sõw a.

Bɛ tɩ ta n Maara, ɛ́ bɛ tʋ̃ɔ́ a be kʋ̃ɔ nyũ ɛ, a na tɩ tome a ƴãw. Alɛ so Maara ŋa na por a, a pɛr lɛ kɛ́ “Tuo”. A nɩbɛ tɩ zɛbr'ɩ nɩ a Moyiir yere á ŋá: «Bʋ̃ʋ n'ʋ tɩ na nyũ?» A Moyiir tɩ kõ na cɔw a Sore, ʋ wul ʋ dàa kãw. A Moyiir tɩ lɔb'ɩ a dàa nɛ ƴãw a kʋ̃ɔmɩ́, a kʋ̃ɔ lɩɛbɩ, tɛr nyub. Be n'a a Sore tɩ tɛr wulu a Ɩsɩrayɛl nɩbɛ zie, ɛ́ ƴãw tub kʋ̀ bɛ. Be mɩ̀ n'a ʋ tɩ ɩ bɛ kaa.