Oblíbené biblické verše z Wulu-ayi-sob 11

Sdílet

Nyɩ na zanɛ nɩ a nɩ a nyɩ bibiir. Nyɩ na ƴɛ̀rɛ nɩ a ƴɛ̀rʋ a bɛ zie, a lɛn daar nyɩ na zɩ̃ a nyɩ yir a, nyɩ na cere a sɔ́r zu a, nyɩ na gã nɩ nyɩ na ìr a.

A nɛ-ƴãwnɩ ɩ̃ na kʋ̀rɛ nyɩ a, nyɩ ƴãw a a nyɩ pʋ̃ɔmɩ́, a nyɩ socir pʋɔ. Nyɩ 'lẽ a ƴãw a nyɩ kpãkpãw ƴãw nɩ a nyɩ gbẽé taa yiire a bɛrɛ ɩ.

Nyɩmɛ wa sɩrɩ sàwr a ɩ̃ nɛ-ƴãwnɩ ɩ̃ na kʋ̀rɛ nyɩ a dɩ̃a a, nyɩmɛ wa nɔnɛ a Sore nyɩ Naaŋmɩn nɩ a nyɩ pʋɔ za nɩ a nyɩ sɩ́ɛ za a, ʋ na mɩ́ ɩ na a saa wa a ʋ daar ƴãw a nyɩ tẽsɔw, a kpãcãan nɩ a sɩ̃ɛ-kpɛ-paala saa. A lɛn daar a, a nyɩ bʋ̃-dieri na mɩ́ vɩɛl a, a ble, a divɛ̃ nɩ a kãá.

Nyɩ nɔnɛ a Sore nyɩ Naaŋmɩn, nyɩ sàwr a lɛ ʋ na yere kʋ̀rɛ nyɩ bibir za a, a ʋ wulu, a ʋ tub nɩ a ʋ nɛ-ƴãwnɩ.

Nyɩ bɛrɛ wone: a dɩ̃a a, ɩ̃ yel kɛ́ nyɩ kaa ír a maalʋ bɩɩ a ŋmɛ-ƴãw. A na ɩ n a maalʋ nyɩmɛ wa sàwr a nɛ-ƴãwnɩ a Sore nyɩ Naaŋmɩn na ƴãw ɩ̃ kʋ̀rɛ nyɩ a dɩ̃a a. Ɛcɛ a na ɩ n a ŋmɛ-ƴãw, nyɩmɛ bɛ wa sàwr a ʋ nɛ-ƴãwnɩ a, nyɩmɛ wa bɛr a sɔ́r ɩ̃ na wule nyɩ ɛ́ tuur ŋmɩn-yoru nyɩ na bɛ bãw a.

Nyɩ na sɛb a na ƴãw a nyɩ yie dɩ̃dɔ-mimie dàar ƴãw, nɩ a nyɩ tẽ-bɛrɛ dɩ̃dɛɛ ƴãw. A lɛn daar a, nyɩɩm nɩ a nyɩ bʋʋrɛ na kpɩɛr'ɩ a tẽw a Sore na pɔ yel k'ʋʋ na kʋ̀ n a nyɩ sãàkʋm-kore a, nyɩ na kpɛ ʋ na cɛlɩ lɛn daar za a salom na na be a tẽsɔw zu-sɔw a.

Ɛcɛ nyɩ gù vla! Nyɩ taa bɛrɛ bɛ bɛlɛ nyɩ ɛ, nyɩ taa bɛrɛ a sɔr-vla ɩ, nyɩ taa tuur ŋmɩn-yoru pùor, tone a tome, ɛ́ gbine dume a niŋé ɩ.