Oblíbené biblické verše z Markus 5

Sdílet

Wali i Yesu manganto’oka ia, “A’ingKu, inta ri kasanang ndaya, apa tamore panyaki resi korom. Apa korom mansarumaka Aku, see naka korom matao muni.”

Pasi re’e samba’a tau we’a ri oyo ntau boros etu ia sampuyumo pei dua nto’u tare pandoonya mansabe wuya. Tau we’a etu mandudu ngkani yau resi dokter darapokulir, bae kasesa to ia mangarata tempo napokulir ndokter, pei taa kojo naaya. Wali ia puramo kasuginya mangabayar yau dokter pei panyaki etu taa kojo malewa, ojo mapari wo’u.

Wali tempo ia mampotaka pake i Yesu etu, panyaki etu mansaka mandoo pasi ia mangepe matao muni koronya.

Yako etu i Yesu mangoko pale nu ana to matem etu panewa manganto’oka ia, “Talita kum.” Gombo etu batuanginya, “Ana we’a, Kuto’oka korom pambangu.”

Wali tongo-tongonya i Yesu mampogomboka tau we’a etu, ratamo tau yako banua i Yairus. Tau to rata etu manganto’oka i Yairus, “Anamu matem. Tamo re’e batuanginya komi mangantalas Pa’a Guru apa ana ngkomi matem si’i-si’i.” Tempo i Yesu mangandonge gombo ntau etu, Ia mansaka manganto’oka i Yairus, to’oNya, “Ne’e bata-bata rayamu. Ojo sarumaka Aku.”

Panewa i Yesu manganto’oka measa to mamposuak tau etu, to’onya, “Measa, piyaimo yako resi ngkai si’i!” Wali ngkai to naposuak measa etu maroso loonya kaboo, to’onya, “O Yesu, Ana i mPue Allah anu makuasa kojo, kesaa ma’i Nupali resi aku?” Panewa ia manganto’o wo’u, “Ri tango i mPue Allah, matamanasa ngkita, kuporapika resi Komi ne’e mangansesai aku!” Wali i Yesu mampotanaka resi ia, “Sema sangamu?” Wali ngkai etu mangansono, “Sangangku Legiun, apa kami boros kojo.”