Oblíbené biblické verše z Markus 11

Sdílet

Wali see naka Aku manganto’oka komi, nempo kesaa to nuporapika resi i Pue Allah tempo komi makai-kai resi Ia, ane komi monso pu’u mangaya, komi damangarata anu to nuporapika ngkomi etu.

Apa Aku manganto’oka komi, kamonsonya i sema-sema to monso pu’u mangaya pei taa bata-bata raya, nempo ia manganto’oka tongku, ‘Palimba pei kapuka lo’u raya ntasi,’ palaong etu damawali seja.

Pei tempo komi makore damakai-kai resi i Pue Allah, tempo etu ane komi mangendo sala nsa’e resi komi, lapa sala nsa’e etu. Apa ane komi mangalapa sala nsa’e resi komi, ane ewa see Pa’a ngkomi to ndate saruga damangalapa seja sala ngkomi.

Wali i Yesu manganto’oka anaguruNya, “Aya i Pue Allah.

Wali Ia mampotundeka tau to nja’u ria, Ia manganto’o, “Re’e gombo i mPue Allah to ratulis ri raya ntuntuNya, gomboNya etu manganto’o, ‘BanuangKu darato’oka banua danapokai-kai ntau samparia bansa.’ Ewa see to nato’o i mPue Allah, pei komi room mangampake yau banua si’i mawali tampa nto panipu.” Etu semo to nato’o i Yesu mampotundeka tau nja’u tongonata banua i mPue Allah.

Wali tau boros to njo’u ruyu rataka tau to ri purinya sira sakaboo, sira manganto’o, “Tau si’i ma’i napokau i mPue! Wali Barong Ia!

Barong Ia to ma’i damawali Makole mangabolos i Makole Daud, wiyaa ngkita tempo owi! Ia ma’i napokau i mPue. Barong i Pue Allah anu to bae kojo kuasaNya!”