Oblíbené biblické verše z Mako 2

Sdílet

Aye Yesu byo aumvwine, wibambijile amba. “Batuntulu kechi basaka shayuka wa michi ne, poso bakolwa. Kechi naiya na kwita baoloka ne, poso bandengamambo.”

Ne Yesu pa kumona lwitabilo lwabo wamwambijile wakolwa kalepu amba, “Mwanami, mambo enu alekelwa.”

Kabiji wibambijile amba, “Juba ja Sabado ja lengejilwe bantu, bantu kechi balengejilwe juba ja Sabado ne.

Kabiji byo bakankelwe kufwenya kwipi mambo a jibumba, bavwetwile pa mutenge po aji. Kabiji ne byo bavwetwilepo, baikizhe mwanya yealalaapo wakolwa kalepu.

Nanchi namba muyuke amba Mwana Muntu uji na luusa pano pantanda lwa kulekela mambo.” Aye wa mwambiljie muntu wakolwa kalepu amba, “Nemwambila namba, imanai mushikule mwanya wenu, muyenga ku nzubo yenu!”

Kyepi kyapeela, kwambila muntu wakolwa kalepu amba, Mambo obe alekelwa, inyi kwamba amba, Imana shikula mwanya wobe wende?

Kabiji waimene, ponkapotu washikwile mwanya wanji ne kulupuka ku meso a bonse. Onkao mambo bonse bakuminye bingi ne kumutumbijika Lesa amba, “Kechi twikimwenepo kala kya bibye ne!”