Oblíbené biblické verše z MARIKO 2

Sdílet

Lwa Yesu yahulila ndio, yavavoolela, “Vandu valamu shivanyala khwenya mushilishi tawe, navutswa yavo valwalanga vonyene. Shikali niitsa khulaanga vandu vi likhola liu vulunji tawe, navutswa vandu vooni.”

Lwa Yesu yalola lisuuvila lia vandu venavo vali nalio, yavoolela mundu wafwokoya, “Mwana wanje! Umali khusemehwa khurula mu vwoni vwovwo.”

Yesu yavavoolela, “Litukhu li Lisabato lialombwa khukhonya mundu; navutswa mundu shiyalombwa, shichila litukhu li Lisabato tawe.

Lwa vakhaywa khutukha himbi khu Yesu, shichila shituma shia vandu, vasambula induhu ingali mushisechese ha Yesu yali nali. Lwa vali nivakhasambula, vishitsilaho mundu mwenoyo, nakoni khu shiseelo shieshie.

Navutswa nyenyanga khumumanyinya ndi Mwana wu Mundu ali nu vunyali mu shivala vu khusemeha vandu khurula mu vwoni.” Khulwa yako, Yesu yavoolela mundu wafwokoya mwenoyo, “Khuvoolelanga, sinjila, vukula shiseelo shioshio, utsi ingo!”

Nu vutoro khuvoolela mundu wafwokoya uyu, ‘Umali khusemehwa khurula mu vwoni vwovwo,’ inoho khumuvoolela, ‘Sinjila, vukula shiseelo shioshio, uchende’?

Lwa vali nivashiheenzanga, mundu mwenoyo yasinjila, navukula shiseelo shieshie natsia vwangu. Vandu voosi vali nilichenya nivitsominya Nyasaye, nivavoola, “Khushili khulolakhu shindu khuli yishi!”