Oblíbené biblické verše z Ruka 6

Sdílet

oni fú he, i ki fu he fu roni; si ki rengbe gbe, i así he asi, nizigizo ho, si ki niuka auka, kina wo i ka fu he fu roni. Bambiko na gu moduka oni ka nduka he na ni, i andúka he na kina ha fu roni berewe.”

Wene boro nakusa wene apai ti gu wene kumuko du ngbaduni yo; gbegberẽ boro nakusa gbigbita apai ti gu gbigbita kumuko du ngbaduni yo; bambiko ngba boro nagumba pai mbiko gu pai dũ ngbaduni yo kpaima.

Ono oni nikpí nyemu avuraroni, ki nimangi pa yo wenengaĩ, ki nifu he fu yo ni wasa; gaoni mosoro adu ni bakere he, oni ki du ni awiri gu Ko du ni Bahe. Bambiko ko naina pai fu aboro gbangbati na aboro ingapai.

Oni íni pai fu aboro a wa Baroni naina pai fu aboro.

“Ka oni sápu nga ngbanga boro ya, ka i asápa nga ngbanga roni a ya: ka oni mbúsi nga boro ya, ka i ambúsa nga roni a ya; oni vú boro i ki vu roni

“Ono ya mi fu roni nagia ha, Oni kpí nyemu avuraroni, oni mángi pa agu yo nasoga roni, oni sámbua agu yo nasenga roni, oni kpári tipa agu yo namanga roni gbegberẽ.

Wa oni akpi nyemu aboro nimangi fu roni, oni mángi he fu yo kina wo a.

Gu ni ka nari bagaro mo ária gu kura ha fu ni a; gu ni ka di ga gbanga remu ka mo ká nga na ga baukadi be ni a ya. Mo fú he fu gu ni ka sana ro; gu ni ka di gamo ahe, ka mo sána nga ni ti ni berewe ya.

A nga wene ngua sa ka zuku gbegberẽ rinde te; a nga gbegberẽ ngua sa ka zuku wene rinde te.

Bambiko i aina angua dunduko ti kina zuzuhe. Bambiko aboro akata nga zuzu vurumo ti kiwe te, i akata nga kakue ti zigidiri kiwe te.