Oblíbené biblické verše z Bambata Pai 39

Sdílet

Yekova adu na Yosefa, ko ki du ni uu boro; ko ki du rogo ga bairako bambu nangia boro Ezipeta.

Ko ki mbu pa agu ahe dunduko nadu be ko ku be Yosefa; ka ko aberã nga pa agu ahe nadu be ko ya, kina pa gu riahe ko anari he. Yosefa adu adu mbuyumbuyu, ni betedi boro.

Babanda bambukisa ki asia pa bánda kisikisi aboro ku be Yosefa, nga agu yo nadu bambukisa yo dunduko. Agu apai i anamanga ha yo, kina ko nangia bamangi pa ha.

Baira Yosefa ki zi ko, ki ba ko ku bambukisa yo, ku ho i naakisa ga bakindo zizi aboro ku ho ni. Ko ki du yo bambukisa yo. Ono Yekova adu na Yosefa, ko ki yugu inapai fu ko, ki mbakadi pa gako pai ku bangiri babanda bambukisa.

Si ki ta du wa gere, fuo agi apai re, dia bairako ki ngana Yosefa ni sanza bangirise, ri ki ya, “Mo rá na mi.” Ono ko ki ka aka, ki ya fu dia bairako, “Mo ngére, bairare aberã nga pa agu ahe du dimo yo du mi ni te, ko ambu pa gako ahe dunduko ku be re; du nga ko ni bakere ko rogo gi kporo re ki susi re te; a nga he sa ko aka na ni be re te ono kina ro, bambiko mo nga diako; waĩ tie ka mi mangi gi bakere gbigbitapai re, ki ingi pai kuti Mbori?”

Ono ni gu uru, ho ko arimi ni ku dimo yo ka manga gako sunge, boro adu nga ho dagba aborokporo te, ri ki zi ko ti gako roko, ki ya. “Mo rá na mi.” Ko ki mbu gako roko ku be ri ki oro, ki gba ku zegi yo.