Oblíbené biblické verše z Levhi 26

Sdílet

Nyi na bani nyiri vbakari gwanu, nyi khala Nungungulu wanu, enu mu khala vathu vangu.

khu guralo mwa gu gira isoso, nyi na mi ninga ndzadzi khu gikhati gi vbwetegago; mafu ma na mi ninga dzimbewu nya gutale, ni misimbo ya thembweni yi na dusa mihandro nya yadi.

Mwa gu vegedzani milayo yangu, mu yingisa sileletelo sangu mu si landrisa

Nyi na wuyisa gurula tigoni; mu na lala na mu tengide nyamba thurugiswa khu muthu, nyi na fuvisa sirengo nya wurena sa khabini, tigoni gwanu kha mu na beledwa khu dzinyimbi.

Gasi enu vambe nyi na mi khathalelani, nyi mi andrisa mu tala, nyi na tiyisa gidzumeledzwano gyangu nanu.

Eni kheni PFHUMU Nungungulu wanu, nyi mi dusidego khu tigoni ga Egipito, gasi mu si simami gu khala dzikhumbi dzawe; nyi kavilede makhetshe nya kanga wanu, gasi mu gimbila na mu ololokide henu tshwi.

Nyi na vbaha nyumba yangu nya guage vbakari gwanu, hefemulo wangu kha wu na hambana nanu.

“Mu nga dzi gireleni vanungungulu nya malipha, ambari gu emisani sifananiso nya guvatwe ni sihuru, tigoni gwanu mu nga dzi gireleni siwindri mu si mburisela gasi mu si khozela; kholu Eni kheni PFHUMU Nungungulu wanu.

Mu na hodza sivbila nya nango yi vbindridego, mu dusa sa gale mu sisangalani gasi gu theledzela esi nya siphya.

Livbandre vama nya va na gyanu, va na lundra lizana (100) ya valala, lizana nya va na gyanu, va na lundra likhumi magumi mazana (10.000); valala vanu va na songetedwa mbeli gwanu khu matshari.

Guvbwera nya tirigu gu na simama kala matshigu nya gu havedwe dziuvha, kala mu vbohisa matshiguni nya gilimo ni gu yala dzimbewu; mu na hodza mu khura gambe mu na khala na mu tiyide tigoni gwanu.

Mu na lundra valala vanu, mu va songa khu matshari mbeli gwanu.

Mu na vegisa matshigu yangu nya dzisabhadho ni gu ninga githawo wulanga wangu nya guage. Eni kheni PFHUMU Nungungulu wanu.”