Oblíbené biblické verše z Levhi 19

Sdílet

U nga dzi phodzeli mwendro gu girela likhulo wa na gyanu, aholu u na haladza muthu kwanu kha nga idzo u dzi golago khidzo uwe mune. Eni kheni PFHUMU Nungungulu.

Mu nga hatshedwi milini gwanu khu kotani nya vafi, mwendro gu hatshedwa dzindrova milini gwanu. Eni kheni PFHUMU Nungungulu.

“Ganela ga tshangano watshavbo nya sanana sa Israyeli, u va embela, khuwe: Agani, kholu Eni PFHUMU Nungungulu wanu nyi agide.

U nga vengeli muthu kwanu monyoni gwago. Aholu u nga digi gu kawuka muthu wa na gyanu, gasi u si ghohi khu kotani yaye.

Mu nga khidzimeli maphuvbo nya vafi, mu ngayi ga vanyamandriki, mwendro ga va nya gulola dzisolo mu ya wudzisa gilo. Mu nga dzi nyenyezisi khisoso. Eni kheni PFHUMU Nungungulu wanu.

U nga gimbili u ganelela guvivba khu vathu va na gyanu, mwendro gusambanya malipha u songisa muthu kwanu. Eni kheni PFHUMU Nungungulu.