Oblíbené biblické verše z Miqueas 4

Sdílet

Wakin marka runakuna diosninkunaman yärakuyaptinpis noqantsikqa poderösu TAYTA DIOSNINTSIKMANMI imaypis yärakushun.

Tsaynöllam Sión jirkanpita TAYTA DIOSPA yachatsikuyninta maytsaymanpis apayanqa. Jerusalénpitam palabranta willakuyanqa. Maytsay nacionpita runakuna Jerusalénman aywarmi niyanqa: <<TAYTA DIOS akranqan jirkanman llapantsik witsäshun. Jacobpita miraq runakuna yärakuyanqan TAYTA DIOSPA wayinman yaykushun. Tsaychömi kikin yachatsimäshun mandamientunkunata imanö cumplinantsikpä kanqantapis. Tsaynöpam pay munanqannö llapantsik kawashun>>.

Shamuq watakunachömi TAYTA DIOSPA wayin kaykanqan jirkanqa wakin jirkankunapita mas respitashqa kanqa. Tsaymanmi maytsay nacionpitapis Tayta Diosta adorayänanpä runakuna aywayanqa.

Atska nación runakuna chikinakuyaptinpis TAYTA DIOSMI arreglanqa. Tsay nacionkuna jatun y may karuchö kaptinpis paymi juzganqa. Juk markawan juk marka guërrata manam rurayanqanatsu. Maytsaychöpis runakuna espädankunapitam takllatana ruratsiyanqa. Lanzankunapitanam ösita ruratsiyanqa. Guërrachö pelyayänanpäpis manam alistakuyanqanatsu.