Oblíbené biblické verše z MARKUS 9

Sdílet

Yesus jemawab, “Nadeaknu: Amen Ko nam? Coa ade de mustahil utuk tun de pecayo!”

Segro tiak anok'o menggang, “Uku pecayo. Tulungba uku de coa pecayo yo!”

Waktau Yesus bi neak dasei, murid-murid-Ne tek ngen-Si, tennaiba tobo'o, “Getai keme coa nam musir roh tobo'o?” Jawab-Ne ngen tobo'o, “De aweiyo coa dapet nusir kecuali ngen du'o.”

Silai memang baik tapi amen silai jijai ambea, ngen janokah udi mesinne? Lokba udi jijai awei silai ngen idupba besamo-samo ngen damoi.”

“Api semambut su'ang anok awei yo lem gen-Ku, si semambut Uku. Ngen api semambut Uku, iso Uku de senambutne, tapi Si de mutus Uku.”

Uku madeak nge-Ko, Sesungguakne api melei udi menem do caker bioa kerno udi adeba murid Kristus, si coa bakea nyep upeakne.”

“Api de menea saleak do kunei anok-anok titik de masai yo, lebiak baik utukne amen de buak butau delapang neket moi kagenne lajau si nuang moi lem laut.

Amen matei nu menea ko beduso, cukieaba! Kerno lebiak baik ko masuk moi lem dunio blau Allah ngen do matai kunei pado ngen duai matai tapi, nuang moi lem nerako.