Oblíbené biblické verše z Isikél 37

Sdílet

Omin Dwata bud mon du mò do, “Mudéli ebè ni kem tiol nii, monem mò kul, ‘Ó kem tiol deng legen, hnungol ye yóm udél Dwata ebélê ye. Ni se udél yóm sana Dwata hol dandónen geta, yó monen, Ngem, wen nawa suu bélê ye anì bud ye mowil.

Bud nmou ulat ye ne unged ye ne bud nmou kulit ye. Wen nawa suu bélê ye anì bud ye mowil. Omin ye yó he temngón du ou se yóm sana Dwata hol gónó mogot.’ ”

Omin Dwata smólók do, monen, “Ó Tau Tonok, gbek le bud baling tau kô ni kem tiol nii?” Bnalau se, monu, “Ó Dwata, yóm hol dandónen geta, tek són uu temngón du balaen yóm snólókem yó.”

Omin Dwata bud mogot do, yóm sana Dwata hol gónó mogot. Yó nmò yóm Tulusen, nwiten ou etu bè yóm datal tódô hono tiol. Nwiten ou hlalak lem yóm tey tiol deng legen, tódô tfeng datal. Tódô hgasà bè yóm datal yó yóm tey tiol wen.

Tahu se, mudéle ebè yó kem tiol yó lómón yóm deng mon Dwata mò do. Unihu mudél, tódô gungolu se yóm uni stitik, tódô le gotu kendel sogot yó kem tiol bè ket sotu lówó Yóm igou temngel kul, tódô wen ulat le ne unged le yó kem tiol yó. Ominen lengeb lówó le kulit, okóm là mnawa le.