Oblíbené biblické verše z KISAH 1

Sdílet

Doba sug Mena Gogoufu einesa yen meigdoc mesohob, kaba, yen yebiji naugb yen yos yadi dan indoho dou leng se Yerusalem, dara leng se Yudea, dara Samaria meren hancob augwan, terimda edebeij cinogo moc ougbdesa. Anai sug en einesa yen meigdoc mes dag ginohob, kaba, en emeic goubesa dou yen naugb gin toues.

Doba Yesus enara bauni ucugb dou len, endagai: Lona dara cumougt naugb sug areg ebiji, kaba, dan Indina enin dous eng esedeb augwan. Hang en emouwan naugb yen yemecinaga dau gin touwero. Anai enin dous eng edag mougt naugb ginohob.

Dara en en dougwo len dag len lemesai en moro augwougb touwero. Doba len leigtou se Yerusalem dousahabi. Dangga sug en oucimdeb dara len sug ouwedoc dag ginohob, kaba, en enara dou len, endagai: Yen yemeihwededau Yerusalem naugb yen yemesai dan induro dou lusud augwougblobma. Doba yen yeigtou sungga terimda areg dan Indina en os dou yen sug nosohob, kaba, en esa dou yenahabi. Anai Yohanes, kaba, en ogun yen se duhu dous. Doba lona hosa debin gin, kaba, dan Indina en emesa Mena Gogoufu emaos dara dou yens. Augwan gini aimo dau areg dan den dou yen sug nosa touohob.

Dara sug en eisa dau gomom ucugwohob, kaba, en ens enin ainyes ucucugb dou len. Hanoba en eic ganusbus se lona sud hwai debin gin dou len toua. Dauntoba len lemeija meruwesa en deitero. Doba len lecinaga dag en eisa dau gomom ucugb dag misenohob. Dara en ens dau lona sug Allah oiharaga lusud ucugb meijouhw augwan asesa dou len toua.

Sug Yesus esulou len dangga dauwohob, kaba, Allah eigdoumesa en dig bogo, abeba len meriresi, terimda umer ouf dougwo en namcir. Hanoba len lemeiya en toua deitero.

Doba sug len lauweila bogo toutou an en, kaba, lagiji lahwai gedig lan lag sansun gogoufu lagunya debin len augwougb naugb lan lan dougwo len. Anai len merires emedug dau bogoro, doba len merires eb debin Yesus sug en eisaugb dig bogo gin terimda. Dangga hang, lan lamenara dou len, landagai: Yusud dau Galilea, yen yesa sugin yauweila bogo toutou, anara? Anai Yesus gini, kaba, Allah eigdoumesa en dig bogo dau yenohob. Doba en emecicugb aud yens, aninim dag yen yeiya en eisaugb dig bogo dau yen gragohob.