Oblíbené biblické verše z ROMA 5

Sdílet

Kude Alatalla nantarang sintani ma takam tawuk Kristus matei ma takam hang tawuk takam magun ulun badosa.

Kaharapen sa kala yiti puang sagar ngulah kasasalen takam, daya atei takam haut nahuang daya Alatalla makai sintani. Alatalla nampalus yiru anri itetei Rohni, sa haut naamini ma takam.

Nelang diwi teka yiru, takam pada arai hawuang kahanangen, daya takam karasa gana kahanangen ngulah ulun balalu mansing, nelang kakansingen sagar ngulah ulun tahan uji; yiti sa nimbul kaharapen.

Itati takam haut ikaeh kamulek anri Alatalla, daya takam parisaya. Nelang daya gana yiru takam welum hawuang kadamaian anri Alatalla itetei Tuhan takam Yesus Kristus. Daya gana takam parisaya ma Yesus, balalu hanye ngami tau pada ma takam kaingkam sinta Alatalla, nelang anri sinta yiru takam welum itati. Daya yiru takam arai atei gana takam naan harapan sa takam himat sagar kaingkam kasanangen sa naami Alatalla.

Tawuk takam hawuang saraba puang uweng kakuaten, Kristus matei ma takam hang tawuk wayahni tangar tuu kala sa natukas daya Alatalla; padahal takam kawan ulun sa lawit teka Alatalla.

Itati takam haut ikaeh kamulek anri Alatalla itetei pampatei Kristus; daya yiru himat takam sagar nasalamat pada daya Kristus teka karikangen Alatalla.

Nelang kala wangun rama ulun jari ulun badosa daya erang kaulun puang ngalut nuu, kala yiru pada rama ulun naami tau pada ikaeh kamulek anri Alatalla daya erang kaulun ngalut nuu ma Alatalla.

Nelang diwi teka yiru, takam pada arai daya pikaeh Alatalla itetei Tuhan takam Yesus Kristus. Daya itetei Kristus, takam itati kaingkam hubungan takam sa maeh yiru anri Alatalla.