Oblíbené biblické verše z ROMA 12

Sdílet

Ada budas ngalut lagu-lampah dunia yiti. Elahni Alatalla nyamau pribadi naun, nampan naun baubah. Anri kala yiru naun sanggup mantaru kabahumen Alatalla-hanyeyiru inun sa maeh nelang sa ngampi sanang ateini nelang sa paruna.

Pulaksanai katuluh! Alatalla tuu maeh anri takam. Daya sabab yiru aku ilaku tatuu nampan naun nyarah diri naun yalah isa parapah sa welum hulung ma Alatalla nelang sa ngampi sanang ateini. Ibadat naun ma Alatalla saharusni kala yiru.

Wuah Pulaksanai harap ma Tuhan anri arai atei, sabar hawuang kasusahen, nelang utul badoa.

Ada maladar dirinu nasantalau daya sa jahat, kude wuah naun nyantalau kajahaten makai pikaeh.

Wuah Pulaksanai katuluh ipasinta isa anri sa lain anri tuu-tuu atei kala kawan ulun ipulaksanai hawuang isa kulawaraga, nelang wuah naun saawe dahulu ngami hormat.

Sinta anri kapinuu atei. Marikang sa jahat, nelang itegei hang inun sa maeh.

Teka pihak naun, ngakali iyuh anri iyuh nampan welum damai anri katuluh ulun.

Kawan Pulaksanaiku! Ada budas iwaleh dendam, elahni Alatalla sa nukum. Daya hawuang Surat Barasis nasurat, “Aku sa iwaleh. Aku sa sagar nukumni, eau Tuhan.”

Bagawi anri rajin. Ada mawule. Bagawi ma Tuhan anri samangat teka Roh Alatalla.

Alatalla haut ngami ahi lelo ma aku. Yiru sababni aku ngami nasehat ma naun katuluhni: Ada kaingkam diri labis ambau teka sa sabujurni. Wuah naun ngakira kaadaan diri naun anri randah atei; tiap ulun ngakira dirini manurut kamampuan sa naami Alatalla ma hanye daya hanye parisaya ma Yesus.

Amun ulun ngulah jahat ma hanyu, ada iwalehni makai kajahaten. Ulah inun sa naanggap maeh daya ulun katuluh.

Welum rukun isa anri sa lain. Ada sakah, kude sansameh dirinu anri ulun sa imbe kadudukanni. Ada ngingkam diri labis pandai teka sa sabujurni.

Kabalikanni, amun musuhnu kajuju, ami hanye kuman; nelang amun hanye malah, ami hanye nguut. Daya anri ngulah kala yiru, naun sagar ngulah hanye umangan.

Laku ma Alatalla nampan hanye mamberkat kawan ulun sa kejam anri hanyu. Hiai, laku Alatalla mamberkat here, ada nyapa. Umba arai anri kawan ulun sa arai, nelang nungkau anri here sa nungkau.

Karawah nyansukup kaparluan kawan ulun Kristen lain nelang tarime kawan pulaksanai mira kaparisayaan sa puang naun kataru, anri sanang atei hawuang lewunu.

Tenga takam naan wahai anggota. Tiap anggota naan tugasni maisasaan. Kala yiru pada anri takam. Biar takam katuluhni rama, kude takam yalah isa tenga daya takam mira baya hang Kristus. Nelang tiap takam bahubungan isa anri sa lain yalah kawan anggota teka isa tenga.