Oblíbené biblické verše z Lúù 6

Sdílet

Kà pɛ nɔ mia lɛ̀ɛ. Ká kɛ̀á kília, Wálà lɛ́ɛ̀ lo pɛ nɔɔ̀ ka bɛ̃̀ɛ̃ ka lɛ̀ɛ. Ka zì pɛ gɔ̃́‐pɛ̀ lɛ́ Wálà è lo pɛ gɔ̃́ɔ̃̀ à yí á nɔ ka lɛ̀ɛ, à lé lɛ́ɛ̀ lo paà súlú tútú le. Ƃii waà à zùku‐zúkú, wáà o kɔ̀ nɛ̀ɛ̀ à là. Ɛ́ɛ̃́ à bùlù‐bùlù lɛ́ɛ̀ lo kɛɛ̀ káápìà. À nɔɔ̀ lɛ́ɛ̀ lo kɛɛ̀á ka lɛ̀ɛ. Pɛ gɔ̃́‐pɛ̀ lɛ́ kà pɛ gɔ̃ à yí, káà nɔ̀ mia lɛ̀ɛ, lɛ́ Wálà è lo à síì, áà ka zì gɔ̃̀ à yía.”

Mi sɔ̃̀ɔ̃ yiè zɛ̀ lɛ́ɛ̀ nu pɛ yiè lɛ́ aà o kpɔ́lɔ̀ bɛ̀i e zò píéa ká wáà‐là. Kɛɛ mi sɔ̃̀ɔ̃ yɔɔ zɛ̀ lɛ́ɛ̀ nu pɛ yɔɔ lɛ́ aà o kpɔ́lɔ̀ bɛ̀ia ká wáà‐là. Ƃii pɛ lɛ́ à mi zò píé paà lɛɛ, lɛ́ mi ɓà wè ɓoa.

Kɛɛ ka dàa‐gbe lɔ̀ è kpɔ́ ka mɔ̀, káà wɔ̃́ yiè kɛ̀ o ká. Kà pɛ kèlè dɔ, yékɛ̀ ka zò é kɛ à sɔ̀lɔ̀ ɓoò mɔ̀ zeĩ́. Káà lo ka fɔ́nɔ́ kpànazɛ̀ síì à mɔ́ɔ̀ wɔ̃̀ mɔ̀. Ɛ́ɛ̃́ káà lo kɛɛ̀ Wálà lɛ́ lɛ pɛ séĩ́ làa, gbe nì ká. Ƃii lɛ́ɛ̀ zò yiè là kɛ̀ mia lɛ́ òó à zúo ɓoaò, e bɛ̀i, o yé o kɛ‐pɛ̀ wá sɛ̀ɛ o ká.

Kà mia yéĩ̀ kṹ, lɛ̀ zí ka Dàa è mia yéĩ̀ kũáa lɛ́ ɓe.

“Yékɛ̀ ká mɛ́ĩ́ yɔɔ ɓo mia gbĩ mɔ̀. Yé aà kɛ kília, Wálà lɛ̀ɛ́ ló mɛ́ĩ́ yɔɔ ɓoò ka gbĩ mɔ̀. Yékɛ̀ ká mɛ̀ĩ́‐sà káá mia wĩĩ́. Yé aà kɛ kília, Wálà lɛ̀ɛ́ ló mɛ̀ĩ́‐sà káà ka wĩĩ́. Kà die mia kɛ‐wɔ̃̀ yɔɔ là. Yé aà kɛ kília, Wálà lɛ́ɛ̀ lo diè ka bɛ̃̀ɛ̃ ka zì là.

“Kɛɛ ḿm̀ gèe mia lɛ́ ka tóó dɔɔ̀ lɛ m mɔ̀ɔ lɛ̀ɛ, ka dàa‐gbe lɔ̀ è kpɔ́ ka mɔ̀. Kà wɔ̃́ yiè kɛ mia lɛ́ òó o nyìɛ dɔ ka mɔ̀ɔ lɛ̀ɛ. Kà lúà kpɔ́ mia lɛ́ ò ka náá kpɔɔ mɔ̀. Kà sɛ̀nɛ ɓo mia lɛ́ ò ka lùò‐lɛ̀ kɛ̀ ɓoa mɔ́ɔ̀ wɔ̃̀ mɔ̀.

Kà wɔ̃́ kɛ mia ká lɛ̀ zí nɔ́ kà nàà ó wɔ̃́ kɛá ka káa lɛ́ ɓe.

Yé mi aà i mɛ̀ i kpéĩ́ doó‐mì mɔ̀ɔ, ì à tó é i mɛ̀ à yé e tóa mɔ̀. Yé mi dò aà ɓà sɔ‐là‐sɔ̀ sía, ì à tó é ɓà dà‐sɔ̀ bɛ̃̀ɛ̃ sí nɔ́ kíli. Ì pɛ nɔ mi nɔ́ɔ fé lɛ́ è pɛ pɛ̃ i mɔ̀ɔ lɛ̀ɛ. Yé mi dò aà ɓà pɛ sía, yékɛ̀ í à wɛ̃́ĩ́‐lɔ̀ɔ kɛ à mɔ́ɔ̀ wɔ̃̀ mɔ̀.

“Yílí yiè lɛ̀ɛ́ ɓa e ɓɛɛ yɔɔ ká. Ɛ́ɛ̃́ é kɛ bɛ̃̀ɛ̃ yílí yɔɔ káa, lɛ̀ɛ́ ɓa e ɓɛɛ yiè ká.

Óò yílí séĩ́ dɔ e ɓɛɛ mɔ̀. Ìí bɛ̀i à mɔ̀ í féè ɓɛɛ ɓo gɛ́nɛ́‐yìlì wĩĩ́. Ɛ́ɛ̃́ ìí bɛ̀i à mɔ̀ í pɛ ɓɛɛ lɛ́ ò kɛ̀ wã́ã́ĩ̀ káa ɓo gɛ́nɛ́‐kɔ́ɔ́ mɔ̀.