Oblíbené biblické verše z Wlǔmɔ 1

Sdílet

Nyesoaa kàan tuposà moo Ɔɔ kpě ï wɛɛ nyu wùɛ ɔ̈ po ii tè kàan tè, tèǒ nì kɔn tè ně pe ɛ popoɛɛ tònwe. Klekle ɛmo tuposàǒ ɛ poo lo klě Jùwɛ nyo mɔ̀ plě ɛ̌ poo lo klě kuodakwɛ̌ mɔ̀.

Nyesoaa tuposàǒ nɛ̀ tee ɛ ämo ke Ɔ nii tùonyugbe jebo siǐn nyu mǒ nunuɛ. Ɛ tùu ɛ tè wlò popoɛ wlò ɛ̌ chlàa ɛ tè wlò popoɛ dlǒ wòje ke Nyesoaa win dɛ̌ɛ ɛ̈ moo, “Nyuà Nyesoa nuu jebo siǐn nyu mǒ nɔ̀ kɔn tè wlò popoɛ, dɛǒ nɛ̀ kɔn tè ɔ mi kmɔ̌ sie fònfno kɔnma.” (Hab 2.4)

Sɔɔnʼaě tǐǒ jleě mǒ Nyesoa nuaa kmɔ̌à, nɛ̀ u jii noǎ keǒ Ɔ jleě mǒ. Bǔ tanʼǒ noǎ Ɔ nuu mɔ̀le, nì pe ɛ pepě mǒ ɛ̈ moo Ɔmoà Ɔ blě kmɔ̌ sie kpě plě è Nɔ̀ moo Nyesoa. Tèǒ nì kɔn tè uu dɛ kukǔǒ u nii kanfinǎ seǒ ɛ kɛn ne.

I moo kàan tè u ji Nyesoa, kɛɛ uǔ tùǒ Ɔ wòje Nyesoa klee uǔ pe Ɔ tàto keǒ noǎ wùɛ mɔ̀ ï Ɔ ni uu mǒ, kɛɛ uu dlě le sìɛnsiɛn neǒ noǎà kɛn ï see dɛ wlòmo ne, è uu plɔ kokoɛ̌ wlògbaeǒ kwijlě neě ɛ kɛn.

Nyesoaa kàan dɛà nɛ̀ u sìnsiɛɛ mɔ̀ u poǒ sen dɛ pènmo. Noǎǒ Nyesoa nuu nì kɔn konkwa u ni plě nì kɔn wɛ̀ u sɛ̀, ɛ̀ sìnʼǒ bu sà Ɔmoǒ nuu noǎǒ Ɔɔ wɛ̀ Ɔ̈ blɛɛ je Bɔ̈ kɔnʼɔ de bìsea tǐ wùɛ mɔ̀.

Nyesoaǒ neěe jɔkɛn Ɔɔ jlo be pepě mǒ keǒ nyopò wùɛ mɔ̀ ü se Ɔɔ ji klee üà dɛ kukǔ jǐi je plě ü nii dɛ knǎ ɛ̈ kenkɛɛ nee Nyesoaa kàan dɛ jele.

Tèǒ nì kɔn tè Nyesoa sɔnʼǒ u mɔ̀ mǒ bu neě tònwe kmɔ̌ǒ slè bo. È dɛ uu nyno nii nɛ̀à, u tbɛ u klee jbɛjlu bu sɔn pɛna mǒ kɛn ǔ chè uu bǐì nyno ja. È uu jbɛjlu tbɛ u klee nyno bu sɔn pɛna mǒ kɛn ǔ chè uu bǐì jbɛjlu ja. Tònwe dɛǒ nɛ̀ jbɛjlu ni uu bǐì jbɛjlu mǒ, è ɛɛ plɔɔ tu kɛn bo maěaǒ blɛɛ ɛɛ je nɛ̀ u jě. Ke ɛ toon jleě mǒ bo tùonyopo je ǔ see wɔn bu sìɛn nee Nyesoaa kɛn wɔɔn dɛɛ tè dlǒ mɔ̀le, Nyesoa tɛ u bo bu neě uu dlǒ le sìɛnsiɛn kukǔǒ slè ɛ̈ di ɛɛ numa u mǐ noǎ nu ï u see je blɛɛ le bu nuu.

U je u kɔn tɔ̀n, kɛɛ u bo lo. È tè jǐ boǎ Nyesoaà Ɔ̈ɔ̌ kǒo Nɔ̀ u peǒ nǔkpuǐà see dɛ mǒ ne pènmo ï wǒo je tùonyugbe ɔ̈ kɔnʼɔ kokoɛ̌ klee ï wǒo je noe klee soa ï nee bee hɛ̀n hɛ̀n jele plě de chlì noǎ, ï kɔn wùɛ kɔnʼɔ kokoɛ̌.