Oblíbené biblické verše z Ekim. 14

Sdílet

Nai, nyemaikina iyes toŋero Ekapolon ka nyikera ŋituŋa a akwap a ŋin, anerae epatana iwon amunyar ikes, alemar agogoŋu aneni kec, ido ikirukit iwon ke Ekapolon nyikuryaketa aŋuna kec.”

nyepatana ayoŋ Ekapolon akiŋo, epol amina kaŋ ŋina nyiryaŋiryaŋa, esyoniyene aronis ka akisyaanu a ŋituŋa, esicani ŋidwe aŋuna ka asecit atapapaa kec akitodol nanyemet ŋina a ŋauni ka ŋina a ŋaomwon.

Ani kikijokak iwon aneni ke Ekapolon, ikiyai iŋes iwon nakwap ŋin ka ikiinakini iŋes iwon akwap ŋin ŋina eleleata ŋakile ka ao.

Nai Kaleb bon eketiyan kaŋ, iŋes ayaari ayoŋ nakwap ŋina alosit iŋes akireb ka eruwor akwap ŋin ŋina a ŋiletok keŋ, anerae egelaana etau keŋ aneni a Ŋisirael a ŋuluce ka arubaki iŋes iwuapit ŋakiro kaŋ.

tolimok ikes ebe, ‘Ikwapei ayarya ayoŋ, etiyae ayoŋ neni kus ŋakiro ŋuna ilimut iyes ŋikulepek.

Kirwor Ekapolon neni a Moses tema, “Tari ori akajamuwarito ayoŋ ŋituŋa lu? Tari ori ewounito ikes akinup ŋakiro kaŋ tari ketiyat ayoŋ ŋakitoodyanakineta ŋuna alalak alokiŋaren kec?

Kiŋuruŋura Ŋisirael daadaŋ neni a Moses ka Aron, tolimok atukot a ŋituŋa a daadaŋ ikes tema, “Okoe, kerae ca paaran totwakitetei anakwap a Ijipit, kori analoŋisat daŋ.

Anenipei, potu Yosua lokoku a Nun ka Kaleb lokoku a Yepune, ŋirukitos a ŋikilyok a ŋulu alosito akireb akwap, tocila ŋilowi kec, tolimokis atukot a Ŋisirael daadaŋ temasi, “Akwap daadaŋ ŋina alositoe isua akireb, erae akwap ŋina ajokan nooi.

Nai ikwapei ayarya ayoŋ ka ikwapei ilelebikinor akica ke Ekapolon a nakwap, mam ituŋanan alotooma ŋituŋa ŋulu eŋolikis akica kaŋ ka ŋakitoodyanakineta ŋuna abu ayoŋ etiya alo Ijipit ka analoŋisat, ido eketemo ayoŋ ŋakitemyeta ŋatomon ka ŋini nyiwuapa ŋakiro kaŋ, ŋini iŋolikini akwap ŋina abu ayoŋ eik ainakin atapapaa kec, mam ipei daŋ alokidiŋ ŋulu apotu okojamuwasi ayoŋ ŋini epedori akiŋolikin akwap ŋin.