Oblíbené biblické verše z GENESISE 37

Sdílet

Josefe a lora toro, a e bolelela bomogolowe; mme ba mo ila segolo bogolo.

Jaana Iseraele a bo a rata Josefe bogolo go bana botlhe ba gagwe, ka gobo e le ngwana wa botsofe jwa gagwe; mme a mo direla kobo e e mebala mentsi.

Bomogolowe ba bona fa rraabo a mo rata bogolo go bone botlhe; mme ba mo ila, ba ne ba sa kake ba bua nae sentle gope.

A fela a lora toro e nngwe, a e bolelela bomogolowe a re: “Bonang, ke bile ke lorile toro e nngwe gape: Letsatsi le kgwedi, le dinaledi di le 11 tsa inkobela.”

Bomogolowe ba mo hufegela; mme rraagwe ene a tshola polelo e ka pelo.

A ba raya a re: “Ke a lo rapela, a ko lo utlwe toro e ke e lorileng: Gonne, bonang, re ne re bofa dingata tsa mabele mo leoteng, mme ka tshoganetso ngata ya me ya nanoga ya ba ya ema ya tsepalala, mme dingata tsa lona tsa tla tsa e dikanyetsa, tsa ikobela ngata ya me.”

Ntlong jaana; a re mmolayeng re mo latlhele mo mokoleng mongwe, re tle re re: ‘Sebatana se mo jele;’ re tlaa bona se se tlaa tswang mo ditorong tsa gagwe.”

Ga feta Bamidiane, e le babapatsi. Bomogoloa Josefe ba goga Josefe ba mo ntsha mo mokoleng; ba mo rekisa mo go Baišemaele ka dipapetla tsa selefera di le 20. Mme ba isa Josefe kwa Egepeto.

Ba raana ba re: “Bonang rraditoro ke yole o etla.

Ba mmona a sa le kgakala; mme a re a ise a ba atamele, ba mo rera gore ba tle ba mmolaye.

Rubene a ba raya a re: “Se tshololeng madi; mo latlheleng mo mokoleng o, o o mo nageng, lo se ka lwa baya seatla sepe mo go ene;” ya bo e le gore a mo golole mo seatleng sa bone, a tle a mo rebolele rraagwe.