Oblíbené biblické verše z लुका 3

Sdílet

जत्‌यार ढेरेत माणहु पाणी मे डुबीन बपतीस्‌मान रीती ली लेदा अने अळतेण ईसु बी बपतीस्‌मा लेदो, अने जत्‌यार तीहयो वीन्‌ती करवा बाज रेलो तत्‌यार ह़रग उगड़ी ज्‌यु। अने भगवान नी चोखली आत्‌मा पारवान वेह मे ईसु पोर उतरी अने तत्‌यारुत भगवान बाह ह़रग मे रीन ईसु ने केदो, “तु मारो मोंगाळ्‌ळो सोरो से मे तार सी घणो खुस से।”

एतरे बपतीस्‌मा आपण्‌यो युहन्‌नो आखा ने केदो, “मे ते तमने पाणी सी बपतीस्‌मा आपु; पण एक मार पसळ आव्‌वा वाळो से, तीहयो मार गेथो जोरभर्‌यो से। मे तीना चाट्‌यान बोंद सोड़वान लायक बी नी हय; पण तीहयो तमने चोखली आत्‌मा सी अने आक्‌ठा सी बपतीस्‌मा आपहे।

“तमु पापु भणी गेथा मन बदलीन भगवान भणी वळ ज्‌या हय, ता ईसम जीवाय जीवीन आह़फा ने उजन्‌ता करो। अने ‘आमु ते अब्‌राहम बाह नी अवल्‌यात से’ ईसम वीच्‌यारीन बेफीकर्‌या नी रेजो। मे तमने केम, भगवान आहया दगड़ाम गेथो बी अब्‌राहम जुगु अवल्‌यात पयदा कर सके

अने हमणेत झाड़ ना मुळ्‌या पोर कुराड़ी मेक मेली। काहाके जे झाड़ वारु नी फाले, तीहया झाड़ ने वाड देहे अने तीने आक्‌ठा मे धपाड़वा करीन नाख देहे।”

जीसम भगवान वगे गेथा केण्‌या यसाया नी कीताप मे लीखलु से: “उजाड़ी बड़ा मे कोय आड़ी र्‌यो, ‘मालीक भगवान जुगु रोहो तीयार करो, तीनी जुगु वाट ह़ुदी करो। आखा खाडा-खोबारा भर देहे, आखा बड़ा अने बड़ी बराबर कर देहे, अने जे वाट वाकी-ढेकी से, तीहयी वाट ने ह़ुदी कर देहे अने उची-नीची वाट ने बराबर कर देहे। अने आखा माणहु भगवान ना छुटकारा ने देखहे।’”