Oblíbené biblické verše z रोमियो 7

Sdílet

यीशु मसीह रे जरिये मेरा छुटकारा करने रे खातर हऊँ परमेशरा रा धन्यवाद कराँ। इस खातर हऊँ अपणे मना ते परमेशरा रिया व्यवस्था री सेवा कराँ, हलाँकि हऊँ अपणे पापी स्वभावा च पापा रिया व्यवस्था री सेवा कराँ।

काँह्भई हऊँ जाणाँ भई माह च यनिके मेरे शरीरा च किसी खरिया चीज़ा रा वास निआं। नेकी करने री इच्छा त माह च हाई पर नेक काम्म माहते नीं हुन्दे।

काँह्भई सै खरा काम्म जे हऊँ करना चाँह, तिस्सो त हऊँ नीं करदा, पर जिस बुरे कम्मां री इच्छा नीं करदा, माहते सैई हुई जां।

पर जे हऊँ सैई काम्म कराँ तिन्हाजो जे करना नीं चाहन्दा, तां तिसरा करने औल़ा हऊँ निआं, पर सै पाप आ सै जे माह च बसीरा।

इस खातर हऊँ अपणे च ये व्यवस्था पां भई हऊँ ताहली जे खरा करना चाँह, तां अप्पूँ च बुराईया जोई पां। अपणी अन्तरात्मा च हऊँ परमेशरा रिया व्यवस्था ते बड़ा खुश रेआं।

कने जे हऊँ सैई कराँ, सै जे हऊँ नीं करना चाहन्दा, तां हऊँ मन्नी लेआं भई व्यवस्था उत्तम इ।