Oblíbené biblické verše z याकूब 2

Sdílet

देख्या तुहें, सिर्फ विश्वास रखणा काफी नींआ, तिस विश्वासा सौगी जे काम्म जुड़ीरे नींये, सै विश्वास नीं कहलाया जाणा सै बेकार कने मरीरा।

तियां जे बिणा साह ते शरीर मूईरा हुआं, तियां इ बिणा खरयां कम्मां ते विश्वास बी मूईरा हुआं।

मेरे प्यारे साथी विश्वासियो, जे तुहां चते कोई प्रभु यीशु मसीह पर विश्वास करने रा दावा कराँ ये पर तिसले कोई काम्म नींआ, तां तिसरा विश्वास बेकार आ, तां तिसरा सै विश्वास क्या तिसरा छुटकारा करी सक्कां?

तिज्जो विश्वास आ भई इक इ परमेशर आ; तू ठीक कराँ! बुरीआत्मा विश्वास कराँ इ भई परमेशर हाया; कने सै डरा ने कम्बदी रैंई।

पर कोई बोल्ली सक्कां, “तेरले विश्वास आ पर हऊँ खरयां कम्मां जो मन्नां।” तुहें बिणा कम्मां ते अपणा विश्वास दस्सा कने हऊँ अपणे कम्मां ते अपणा विश्वास दसगा।

इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।

तुहें देखील्या भई सिर्फ विश्वासा तेई नीं, पर अपणे कम्मां ते माहणु धर्मी बणां।

देक्खा, तिसरा परमेशरा पर इतणा भरोसा था भई सै जे किछ परमेशरे बोल्या, सै सब किछ करने जो त्यार हुईग्या; तिसरे विश्वासा जो तांई पूरा मन्नया गया ताहली जे तिने सै कित्या सै जे तिस्सो करने खातर बोल्या गया था