Oblíbené biblické verše z प्रेरितां 4

Sdílet

कने किसी दुज्जे ते छुटकारा निआं; काँह्भई सारे संसारा च यीशुये ते इलावा होर कोई दुज्जा नौं नीं दित्तिरा, भई तिसते जे अहांजो छुटकारा मिली सक्को।”

तां जे सै प्राथना करी चुक्के, तां जगह तित्थी जे सै कट्ठे थे हिल्लीगी, कने सै सब पवित्र आत्मा ते भरीगे, कने परमेशरा रा वचन हिम्मता ने सुणांदे रै।

हुण हे प्रभु तिन्हांरियां धमकियां जो सुण; कने अपणे दास्सा जो ये वरदान दे भई तेरा वचन बड़े हौंसले ने सुणाईये।

मसीह यीशु इ सै पत्थर आ तिस्सो जे तुहें राजमिस्त्रियें नकम्मा जाणया कने सै कुणे रे सिरे रा पत्थर हुईग्या।

ताहली जे तिन्हें पतरस कने यूहन्ना रा हौंसला देख्या, तां सै तिन्हांजो अनपढ़ कने सिधे-साधे माहणु समझीने हैरान हुये; फेरी तिन्हें पछयाणया भई ये यीशुये सौगी रईरे।

विश्वास करने औल़यां री मण्डली इक चित कने इक्की मना री थी, येत्थी तका भई कोई बी अपणी धन सम्पतिया जो अपणा नीं बोलदा था, पर सब किछ सांझा था।