Oblíbené biblické verše z 2 Korintus 10

Sdílet

Kong tu Tuhan Allah pe kuasa itu beking torang mampu se kala samua tu prinsip deng tu pikiran yang sombong yang orang pake for ja halangi orang laeng kanal pa Tuhan Allah. Dorang pe pikiran yang sala itu torang roba supaya dorang bole iko Kristus pe mau.

Soalnya tu senjata yang torang da pake waktu torang berjuang, itu bukang senjata yang dari ni dunia mar senjata yang dari pa Tuhan. Tu senjata yang dari pa Tuhan itu no tu kuasa yang dari pa Dia, tu kuasa yang mampu for se kala pa orang-orang yang malawang Tuhan pe firman, itu sama deng tu senjata yang da pake di prang for se ancor tu musu pe benteng-benteng.

Memang torang masi hidop di dunia, mar torang kasiang nyanda da pake tu cara yang biasa dunia ja pake waktu torang berjuang malawang pa orang-orang yang malawang tu Tuhan pe firman.

Soalnya bukang tu orang yang babangga de pe diri sandiri yang butul di mata pa Tuhan, mar tu orang yang Tuhan da se bangga-bangga, dia itu yang butul di mata pa Tuhan.