Oblíbené biblické verše z BAEFESE 5

Sdílet

Etsisang Modimo, kaha le le bana ba hae ba ratehang. Phelang ka lerato, jwalokaha le Kreste a le ratile, mme a tela bophelo ba hae ka baka la lona, hore e be nyehelo le sehlabelo se monko o monate ho Modimo.

Hlokomelang metsamao ya lona haholo; le se be dithoto, le mpe le be ba bohlale, le sebedise monyetla oo le o fumanang, hobane mehla ena e mebe.

Se tahweng ke jwala bo le isang boitahlong, le mpe le tlale Moya o Halalelang. Kgothatsanang ka dipesalema, difela le dipina tse halalelang; rokang Morena, mme le mminele dipesalema ka dipelong tsa lona. Kamehla lebohang Modimo Ntate ka baka la tsohle, ka lebitso la Morena wa rona Jesu Kreste.

Ka baka leo, se fetoheng mawatla, le mpe le utlwisise seo e leng thato ya Morena.

Le lona banna, ratang basadi ba lona, jwalokaha le Kreste a ratile kereke, mme a e teletse bophelo ba hae.

Pele le ne le le lefifing, empa kajeno le leseding, hobane le ba Morena. Phelang jwaloka bana ba lesedi.

E mong a ikokobeletse e mong ka ho hlompha Kreste.

Lona basadi, ikokobeletseng banna ba lona, jwalokaha le ikokobeletsa Morena

Ha ho le jwalo, e mong le e mong wa lona a rate mosadi wa hae jwalokaha a ithata; mosadi le yena a homphe monna wa hae.

Ka baka lena, monna o tla tlohela ntatae le mmae, a matahane le mosadi wa hae, mme ba babedi bao ba tla fetoha ntho e le nngwe.

Le se ke la ikamahanya le mesebetsi e nyopang ya lefifi, le mpe le e nyatse.