Oblíbené biblické verše z Kejadian 15

Sdílet

Waktu itu, Abram de percaya yang TUHAN bilang. Itu yang, TUHAN anggap de benar karna de pu percaya ini.

Su lewat brapa waktu begini, TUHAN datang bicara sama Abram sperti mimpi. TUHAN bicara ke de begini, “Abram, ko jang takut! Sa yang jaga ko dari musu. Nanti ko dapat bagian yang besar.”

Trus TUHAN bawa Abram kluar baru bilang ke de begini, “Abram, ko liat ke langit! Skarang, kalo ko bisa, coba ko hitung bintang-bintang itu!” TUHAN tamba lagi, “Begitu suda, nanti ko pu anana cucu pu banyak.”

Begini Abram dengar TUHAN bilang de lagi, “Bukan ko pu orang kerja yang nanti dapat ko pu harta smua, tapi ko pu anak laki-laki sendiri.”

Baru TUHAN bilang ke Abram begini, “Abram, ko dengar baik-baik ini! Ko pu anana cucu nanti jadi orang pendatang di tana satu, tana yang bukan dong punya. Nanti dong jadi budak, trus dong tinggal dapa injak-injak trus sampe 400 taun.

Tapi Abram jawab begini, “TUHAN Allah, Tuhan mo kasi sa apa lagi? Sa ni trada anak. Baru nanti sa mninggal, yang dapat sa pu barang-barang smua tu Eliezer mo, yang dari Damsyik itu.”

Waktu itu juga, TUHAN ikat janji deng Abram. TUHAN bilang, “Sa janji, nanti Sa kasi tana ini smua untuk ko pu anana cucu dorang. Tana yang pu luas dari sungai di Mesir sampe di sungai Efrat ini.

Habis ko pu turunan keempat dong pu jaman su lewat, ko pu anana cucu yang di jaman itu, nanti dong kembali ke tana ini, trus ambil tana ini dari orang Amori. Karna, di waktu itu baru orang Amori dong pu dosa su cukup untuk dapa hukum, skarang masi blum.”