Oblíbené biblické verše z LUCAS 6

Sdílet

Wakinkunaman quriychis, ajinamanta Diosqa qankunaman qurillasunkichistaqmi. Astawampas Diosqa uj wayaqapi allin junt'a winaykurisqata jinataq thalaykurisqata qusunkichis. Ima tupuwanchus wajkunapaq tupunkichis, kikin tupullawantaqmi qankunaman Diosqa tupuykusunkichis.

Sumaq runaqa allinkunallatam riman, imaraykuchus sumaq kaymi paypaq sunqun ukhupiqa kan; saqra runataq mana allinkunallatam riman, imaraykuchus saqra kaymi sunqun ukhupiqa kan. Ajinaqa imachus sunqun ukhupi junt'a kachkan chayllatataqmi siminqa rimarqun.

Qankunaqa Chhiqnikuqniykichistaqa munakunaykichismi, jinataq allin kaqta ruwaspa, mañarisqaykichismantapas mana imata suyaspa. Ajinamantam kutichiyniykichisqa astawan athunraq kanqa, jinallataq qankunaqa janaqpacha Athunkaq Dios Tataykichispaq wawankunam kankichis, pichus mana yuspärayniyuq runakunawan jinataq saqra runakunawampas ancha sunquyuqmi.

Qankunaqa imaynachus Tataykichis khuyapayakuq kachkan, ajinallataqmi khuyapayakuq kanaykichis.

“Qankunaqa wakinkunaman ama juchanchaychischu, ajinamanta Diosqa qankunaman manallataq juchanchasunkichischu. Pampachaychis, ajinamanta Diosqa qankunaman pampachallasunkichistaqmi.

“Chaywampas nuqaman uyariqkunaman kayta niykichis: Chhiqnikuqniykichista munakuychis jinallataq allin ruwaykunawan paykunaman kutichiychis, qankunaman qhinchachaqkunamanqa sumaq kayta quychis, jinataq qankunaman mana allin rimaykunawan sutichaqkunapaqqa Diosmanta mañaripuychis.

Imaynatachus wakinkunaqa qankunawan ruwanankuta munankichis, kikillantataq paykunawan qankunaqa ruwaychis.

Pichus ujniq uyapi t'aqllimusunki chaymanqa wajniq uyaykita t'aqllinampaq rikuchillaytaq; pichus mantilluykita qichusunki chaymanqa, allmillaykitawan apqaruchipuy. Pipas imata mañasunki chhikaqa qupuy, qampaq kaqniykita qichuqasunki chaymanqa ama kutichipunasunkipas qhatupayaychu.

“Manam uj sumaq sach'aqa mana allin urikunata puquchiq kanmanchu, uj mana allin sach'apas manallataqmi sumaq urikunata puquchinmanchu.

Sapa sach'ataqa urinmantajinam riqsinaqa: manam higokunata tikakunamanta pallaqanachu kachkan, manallataq uvaskunatapas alqu khichkhakuna ukhumanta pallarquchuwanchu.