Oblíbené biblické verše z Титоскэ 3

Sdílet

А ке́ли амаро́ Дэвэ́л, Зракхибнари, сыкадя́ Пэ́скири лачхэ́-илы́ткима и ла́ска, на пал чачунэ́ рэ́нды, савэ́ амэ кэрасас, а пал Пэ́скиро тангипэ́н, тэды Ёв зракхця́ амэн пир панескиро болдэипэн кэ нэво́ джиибэ́н и нэвякирдя амари́ годы́ Свэнтонэ́ Духо́са, Саво́ Ёв пхэрдэ́с дыя́ амэ́нгэ пир Исусо́стэ Христосо́стэ, амарэ́ Зракхибнаристэ, соб (кай) Дэвэ́л тэ приґалёл амэн чачунэнца пир Пэ́скиро бахталыпэ́н тэ ячас Лэ́скирэ чхавэ́нца дро ве́чно джиибэ́н, ваш саво́ амэ́ндэ исын наде́я.

Пхэн ишчо (инкэ́) манушэ́нгэ пал дова́, соб (кай) ёнэ тэ кандэ́н ран и барыдырэ́н, и тэ явэ́н скэдынэ́ тэ кэрэ́н кажно лачхо́ рэ́ндо (де́ло); тэ на калякирэн никонэ́с, а тэ явэ́н раманёнэса (мирнонэса), тэ явэ́н штыл (тиха), ковлэ́-илы́тка кэ сарэ́ мануша́.

Джа́ криг (дурьёв) дурэды́р дылынэ́ пхучибнэндыр и роспхэныбнэндыр пал вари-конэ́скиро ро́до, ци спрэчкэндыр ци марибнэндыр пал лава́ Законо́стыр; пал-дова́ со дава́ на трэй ни конэ́скэ и дасаво ракирибэ́н исын кротконэ годятыр.

Рисёв криг манушэ́стыр, саво́ причхувэла зор тэ розчхувэл патяибнаскирэн пэ групы пало́ (после) дава́, сыр ту сыклякирэса лэс екх ци дуй мо́лы