Oblíbené biblické verše z Притчы 29

Sdílet

Кон дарэ́ла манушэ́ндыр, кодова́ сы́рбы чхувэ́ла фэлы́ пэ́скэ, нэ кон зоралэ́с патя́ла дрэ Растэ-Дэвлэ́стэ, одова́ явэ́ла бидаракиро.

Кай нанэ сыкадыипэн упралэстыр, одо́й мануша́ на обрикирэна пэс, нэ бахтало́ исын одова́, кон рикирэ́лапэ кэ Зако́но.

Дылыно́ выпхэнэла сари́ холы́, со лэ́стэ исын пэ годы́; нэ годо́ ману́ш пририкирэла ла дрэ пэ́стэ.

Ко́ли чхаворэс сыклякирэ́на пхарэ́с и раняса (розгаса), тэды ёв ячэ́лапэ годэдыр. Нэ ко́ли чхаворо́ мэкно́ кокоро́ пэ́скэ, то ёв ладжакирэла пэ́скирэ да.

Сыкля́кир кэ дукха́ чхавэ́с, и ёв дэ́ла ту́кэ откхиныбэн, и ёв обрадынэла тыро́ ди.

Кон пхутёла, кодова́ пэрэ́ла тэлэ́, нэ напхутькирдо дро ду́хо (фа́но) ману́ш дорэсэ́ла паты́в.

Холямо́ ману́ш выкхарэла (залыджала) кошыбэ́н, и холынакиро ману́ш кэрэ́ла бут чорэ́ рэ́нды (грэ́хо).

Ци дыкхця́н ту манушэ́с, саво́ сы́гэс выпхэнэла лава́? Буты́р лачхипэ́н сашты́ тэ ужакирэс дылынэстыр, сыр кадасавэ́ манушэ́стыр.