Oblíbené biblické verše z Притчы 22

Sdílet

Сыкля́кир тэрнэ́ чхавэ́с адя́кэ, сыр лэ́скэ трэй дурэды́р тэ дживэ́л, и, ке́ли ёв явэ́ла пхуро́, ёв на джа́ла криг далэ́ дромэ́стыр.

Кон кандэ́ла, и дарэ́ла Ра́стыр-Дэвлэ́стыр, кодова́ дорэсэ́ла барвалыпэ́н, паты́в и джиибэ́н.

Лачхо́ лав исын дрогэдыр (кучэдыр) барэ́ барвалыпнастыр, и лачхи́ мавлы́н (малва) исын кучэдыр рупэ́стыр и сувнака́стыр.

На яв мал (на дружын) холынакирэ манушэ́скэ, на ра́кир [на джа́-ю.о.] яглунэ манушэ́са

Кон исын барвалэ́-илэ́скиро, кодова́ явэ́ла бахтякирдо́, пал-дова́ со ёв дэ́ла пэ́скиро маро́ чорорэнгэ.

Барэ́-годя́киро ману́ш дыкхэ́ла анги́л биба́хт (би́да) и гарадёла, нэ просто джа́ла анги́л и явэ́ла сэндякирдо.

Барвало́ рикирэ́ла зор пэ чорорэстэ: и кон исын вужло, одова́ исын дына́ри кодолэ́скэ, саво́ покэрдя (конэ́скэ ёв исын банго́).

Барвало́ и чороро́ ману́ш дыкхэнапэ екх екхэ́са: Рай Дэвэ́л создыя́ лэн дуе́н.

На чор чорорэстыр, пал-дова́ со ёв исын чороро́, на тасав одолэ́н, савэ́н притасавэ́на пашы́л по́рта: пал-дова́ со Рай Дэвэ́л затэрдёла пал лэ́нгиро рэ́ндо, и лэ́ла криг кодолэнгиро ди, савэ́ обчорэна лэн.